Evento Caravana Feminista: Té con Kant Imprimir
Escrito por Marcha Mundial das Mulleres na Galiza   
Sábado, 04 Abril 2015 16:22

A CARAVANA FEMINISTA ESTÁ EN MARCHA desde o 8 de marzo e, a coordenadora local de Vigo da Marcha Mundial das Mulleres, nos sucesivos meses, vai levar adiante unha serie de eventos para recadar fondos de cara a súa chegada a Galiza alá pola primeira semana de outubro.

Té con Kant, un espectáculo onde o humor, a ironía e a filosofía van da man para promover á reflexión (e acción) do público asistente, pasando pola manipulación de obxetos, video-proxeccións, fotomontaxes, recortables e teatro de sombras.

Vos esperamos para pasar un rato agradable !!!!

Quen somos a Marcha Mundial das Mulleres?

A Marcha Mundial das Mulleres estivo activa na loita das mulleres dende 1998, marchando para erradicar as causas que orixinan a violencia e a pobreza na vida das mulleres.

Mediante as nosas estratexias, baseadas en debates e alianzas internacionais, reafirmámonos na resistencia, a confrontación e a construción de alternativas ao modelo patriarcal, capitalista, racista, lesbófobo e colonial.

A Caravana conectará a mulleres que resisten á misoxinia, a austeridade, o fascismo, o patriarcado e a todas as formas de violencia contra as mulleres, incluída a pobreza, a través das nosas realidades en tanto que mulleres de calquera idade, raza ou clase social.

Queremos construír alternativas de mulleres ante a crecente imposición do militarismo e da realidade masculina, para que todas poidamos vivir unha vida máis digna e pacífica.

Cremos e afirmamos que un mundo mellor é posible!

Última actualizaciónfeita en Martes, 07 Abril 2015 15:39