XUSTIZA PARA AS COMPAÑEIRAS  MÁXIMA ACUÑA E DINA MENDOZA Imprimir
Escrito por Marcha Mundial das Mulleres na Galiza   
Venres, 28 Novembro 2014 21:28

XUSTIZA PARA AS COMPAÑEIRAS MÁXIMA ACUÑA E DINA MENDOZA

Queridas compañeiras,

Hoxe estamos en solidariedade coa nosa irmá Máxima Acuña e a súa familia que foi denunciada pola Empresa Mineira Yanacocha, acusada de ter invadido un terreo ubicado en Tragadero Grande (distrito de Sorochuco, provincia de Celendín, Cajamarca, Perú) sobre o que Yanacocha reclama a súa propiedade.

Máxima e a súa familia adquiriron lexitimamente as terras, e así o demostraron ante a xustiza, que desestimou a demanda presentada por Máxima e pola contra aceptou a que presentou a empresa mineira. Dende 2011 Máxima sufriu acoso, violencia, ataques e intimidacións por parte das forzas de seguridade privadas da empresa que derrubou as súas casas, saqueou os seus bens e feriu a persoas da súa familia. A pesar de que Yanacocha non pode presentar probas da súa propiedade das terras, o próximo 1 de Decembro Máxima enfróntase a un xuízo decisivo no que si perdera, podería ser expropiada da súa finca.

Por solidarizarse con Máxima Acuña e a súa familia, Dina Mendoza foi denunciada por Usurpación Agravada e Entorpecemento da Vía Pública. A Corte Superior de Xustiza de Cajamarca pediu 5 anos de pena privativa da liberdade e 50.000 soles a favor do Estado Peruano. O seu xuízo celebrarase o día 2 de Decembro.

As compañeiras de Perú estanse a mobilizar para acompañar e dar apoio a Máxima e Dina. Pero as demais non podemos permanecer caladas, temos que facer oír as nosas voces fronte á inxustiza! Por iso vos pedimos que firmedes e enviedes a carta en anexo ao Presidente da Corte Superior de Xustiza de Cajamarca, apelando ao seu sentido da xustiza no tratamento do caso e das probas que se aportan.

Podedes enviar a carta por fax ao número: +51-76362475

En solidariedade feminista,

Lima, 25 de noviembre 2014

Dr. Oscar Vásquez Arana

Presidente da Corte Superior de Xustiza de Cajamarca

Respetado Sr. Xuíz:

Reciba os nosos cordiais saúdos das mulleres que subscribimos esta carta, quenes estamos moi preocupadas polo desenlace dos xuízos de Máxima Acuña de Chaupe e Dina Mendoza Bazán.

Máxima Acuña de Chaupe foi denunciada inxustamente por “usurpación de terras” pola empresa mineira Yanacocha C.I.A. e foi condeada a 2 anos e 8 meses de prisión preventiva suspendida e a unha reparación civil de 5.500 soles. Está demostrado, xa que existe documentación que o proba, que Máxima Acuña de Chaupe é lexítima propietaria do terreo polo que foi condeada e que está ubicado en “Tragadero Grande”, no distrito de Sorochuco, provincia de Celendín, Cajamarca, Perú.

Dina Mendoza Bazán foi inxustamente denunciada por “usurpación agravada” soamente por terse solidarizado con  Máxima Acuña de Chaupe e tamén por “entorpecemento da vía publica”. A Corte Superior de Xustiza de Cajamarca pediu 5 anos de pena privativa da liberdade e 50.000 soles a favor do Estado Peruano.

Dado que consideramos inxustas estas denuncias e condeas, nosoutras, mulleres de diversos territorios, rexións e países do mundo, solicitámoslle que revise os casos de Máxima Acuña de Chaupe e Dina Mendoza Bazán con detenemento e que admita as probas importantísimas que demostran que o predio da familia Chaupe non está dentro dos terreos que a empresa Yanacocha C.I.A. comprou ás comunidades. Pedíndolle de actuar de boa fe e con xustiza.

Saudámolo atentamente,

 

Última actualizaciónfeita en Venres, 28 Novembro 2014 22:19