MarchaMundialdasMulleresnaGaliza

A Marcha Mundial das Mulleres de Galiza quere denunciar o custo que a administración da Xunta do PP vai  gastar coa visita do Papa a Compostela.
Estímase que a visita que o Papá fará o vindeiro 6 de Novembro suporá un desembolso de 3 millóns de euros das arcas da administración autonómica, que dende as altas instancias se xustifica coma unha “inversión rentable”, pois xerará moitos beneficios para a cidade de Compostela e Galiza en xeral.
Engádense ademais a estes millóns, o custo das forzas de Seguridade do Estado (cun número de 6000 efectivos para garantir o evento) , os cartos que o Concello de Compostela investirá no evento e os que se gastarán a maiores, pois segundo o Delegado do Goberno Central Louro “non haberá límite para dispor dos recursos precisos”.¿Canto se vai gastar?

Non podemos deixar de denunciar que mentres a xunta do PP recorta un 40% do orzamento no ámbito social (un 4,9% menos en sanidade, un 6,6% en educación e un 40% na vivenda), privatiza a xestión de hospitais, centros de día de maiores, centros asistenciais para persoas con discapacidade, gardería;, desmantela os centros Quérote para privatizalos, etc., non escatimará  en recursos para  subministrar un suculento  catering ó exclusivo persoal que o día 6 se reúna Praza do Obradoiro.

Unha vez máis demostrase que a separación Igrexa-Estado non existe. O Alcalde de Santiago e o Delegado do Goberno piden os cidadáns de Compostela que actúen como bos anfitrións colaborando cos visitantes en todo o que necesiten. Pero o dereito a traballar queda suspendido para aqueles que o fan na rúa. Suspenderase a liberdade de expresión, reunión, manifestación e circulación os días previos, mentres se lle da todas as facilidades de expresión, reunión e manifestación ós devotos dunha “relixión”.

A Marcha Mundial de Mulleres rexeita o enorme custo económico da visita do Papa con cartos públicos, que o fai en nome dunha igrexa que rexeita a igualdade da muller, rexeita os matrimonios homosexuais, ataca o uso do preservativo, está en cotra do aborto é defende o patriarcado e o fundamentalismo.

A Marcha Mundial das Mulleres esixe ó Estado e ós seus gobernantes que os cartos empregados para este evento e os futuros, sexan pagados integramente pola Igrexa.

A Marcha Mundial das Mulleres de Galiza apoia as convocatorias das organizacións que rexeitan a visita do Papa pagadas cos nosos impostos.