MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Novas

Acción 28 de maio Vigo. Polos dereitos sexuais e reprodutivos

Correo-e Imprimir PDF
Polos dereitos sexuais e reprodutivos

28 de maio
Día Internacional dos Dereitos Sexuais e Reprodutivos.

A Cordenadora Local da Marcha Mundial das Mulleres de Vigo convídavos á acción conmemorativa do 28 de maio que consistirá na elaboración dun maio reivindicativo dos nosos dereitos sexuais e reprodutivos na rúa lateral ao MARCO a partir das 17 horas.

As mulleres da Marcha Mundial das Mulheres estamos en loita pola nosa autonomía, noso direito a vivir libremente a nosa sexualidade e por unha transformación radical da sociedade
Imos mudar o mundo e mudar a vida das mulleres

Somos mulleres e non mercadoria !!

Mulleres e nenas sufren según o contexto cultural, relixioso, económico, político existente onde lles toque nacer: mutilacións xenitais, casamentos forzados, trafico de persoas, escravitude sexual, violacións por parte do conxuge, lapidación por ter relacións sexuais fora do matrimonio, obriga de casarse co seu violador, condena a prisión para aquelas mulleres que decidan abortar se sobreviven a un aborto clandestino, repudio de viuvas por consideralas que traen mala xorte, mulleres e nenas utilizadas como arma de guerra coa intención de repudiar e destruir ao grupo ao cal pertence ou facer unha limpeza étnica, a homosexualidade condenada a pena de morte, negación ao dereito a uso de anticonceptivos....e moitas máis situacións que se dan en contra do noso dereito a ter unha sexualidade sá, libre, sen coaccións.
Modificado o ( Luns, 26 Maio 2014 12:12 )
 

24 DE MAIO-DÍA INTERNACIONAL DAS MULLERES ANTIMILITARISTAS

Correo-e Imprimir PDF

DÍA INTERNACIONAL DAS MULLERES ANTIMILITARISTAS
"Nin guerra que nos mate, nin paz que nos oprima"

A Cordenadora Local de Vigo da Marcha Mundial das Mulleres organiza unha acción na Praza dx migrante (Travesas), para conmemorar a data na que as mulleres visibilizamos o significado das palabras militarización – guerra – explotación dos territorios e paz, dende a perspectiva de xénero.
Música, leitura de textos e poesías a partir das 18:00.
ESPERÁMOSTE¡¡

 

Na barbarie de calquera guerra, as mulleres, consideradas individual e socialmente, experimentan unha maior perda no desenvolvemento dos seus dereitos humanos. As mulleres,vítimas da violencia da guerra, sofren torturas, asasinatos, masacres, detencións, igual que os homes, pero ademais son vítimas dunha específica violencia de xénero engadida. En situacións de conflito bélico e pos-bélico, as mulleres son sometidas a todo tipo de humillacións, vexacións, violacións, agresións físicas e psicolóxicas, en definitiva, ao acoso do inimigo como unha estratexia máis de guerra. As mulleres nas zonas de guerra son a miúdo violadas, obrigadas a prostituírse, asasinadas ou forzadas a prestar axuda de calquera tipo. A súa vida e o control do seu corpo, os seus sentimentos e pensamentos militarízanse en base a prioridade dalgún exército ou policía militarizada, cuxos funcionarios as utilizarán de acordo as súas nocións de “defensa” e “inimigo”.

 

Modificado o ( Martes, 20 Maio 2014 11:02 )
 

Acción contra os asasinatos machistas

Correo-e Imprimir PDF

Dende a coordenadora local de Ourense da Marcha Mundial das Mulleres achegámonos unha vez máis ata a Castañeira, xunto á Subdelegación do goberno, para que a súa figura sexa o altofalante da nosa raiba contra este novo asasinato e invitamos a toda a cidadanía a ocupar espazos públicos contra a violencia machista.

Reclamamos o noso dereito a, a partir de agora, cada vez que unha muller sexa asasinada no noso país achegarnos a esta estatua para facer visíbel a nosa repulsa, o noso rexeitamento a unha violencia que non é individual e non é illada senón que fai parte das bases da organización desta sociedade patriarcal.

Reclamamos a esta sociedade que deixe de tratar os casos de violencia machista, nomeadamente os asasinatos, como unha cuestión individual ou a consecuencia do comportamento de individuos que perden a razón, teñen problemas nas súas relacións, son ciumentos ou teñen comportamentos violentos. Trátase dunha cuestión estructural que ten a ver con como se organiza a sociedade en que vivimos e é dende aí dende donde hai que mudar as cousas. Xa basta de violencia machista, nen un asasinato machista máis sen resposta.

Falan as estatuas e falarán os muros, sairemos á rúa reivindicar que non queremos máis actos de homenaxe ás nosas mortas e que temos dereito a vivir sen violencia!

asasinatomachista_30abril.jpg

 

Modificado o ( Luns, 19 Maio 2014 09:16 )
 

Novo asasinato machista na Galiza

Correo-e Imprimir PDF

Hoxe tivemos noticia dun novo asasinato machista na Galiza e con este son xa 5 as mulleres asasinadas en 4 meses no noso país. A reacción do movemento feminista non se fai agardar e hai convocatorias de concentración de repulsa e resposta convocadas para este venres 2 de maio ás 20h:

 

  • VIGO, venres 2 ás 20h no MARCO (Marcha Mundial das Mulleres)
  • FERROLTERRA, venres ás 20h na Praza do Concello (Marcha Mundial das Mulleres)
  • OURENSE, venres ás 20h na Subdelegación do Goberno (Marcha Mundial das Mulleres)
  • COMPOSTELA, venres ás 20h na Praza 8 de Marzo, Porta do Camiño (Movemento feminista de Compostela
  • A CORUÑA, venres ás 20h no Obelisco (Movemento feminista de A Coruña)

 

O movemento feminista galego convoca novamente mobilizacións contra os asasinatos machistas, cómpre visibilizar a violencia que se esta a exercer contra as mulleres ante a pasividade das autoridades e dunha sociedade incapaz de reaccionar ante unha realidade cada día máis terríbel.

feminicidio.jpg

As mulleres esiximos o noso dereito a vivir sen violencia e a que a sociedade garanta ese dereito. Este venres tod@s á rúa contra a violencia machista!

Modificado o ( Mércores, 30 Abril 2014 14:17 )
 
Páxina 9 de 24

Participa!

unete.png

Opinión - Debate

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel

Quen está en liña?

Temos 104 convidados en liña