MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Novas

A XUSTIZA ESPAÑOLA LIBERA AOS VIOLADORES. O FEMINISMO RESPONDE NAS RÚAS

Correo-e Imprimir PDF

Se é machista non é xustiza

A XUSTIZA ESPAÑOLA LIBERA AOS VIOLADORES.
O FEMINISMO RESPONDE NAS RÚAS

A Sección Segunda da Audiencia de Navarra decidiu dar por remate á prisión preventiva que mantiña engaiolados aos cinco integrantes da Manada, deixando en liberdade provisional desde onte aos violadores José Angel Prenda, Ángel Boza, Jesús Escudero, Antonio Manuel Guerrero e Alfonso Jesús Cabezuelo, logo de que fosen condeados a nove anos de prisión por un delito de abuso sexual a unha muller durante os Sanfermins de 2016.

O auto impón unha fianza de 6000€, decretando a súa liberdade co argumento de que “os acusados teñen a súa residencia a máis de 500 quilómetros do lugar onde reside a vítima” e que “se pode garantir a súa tranquilidade e sosiego con medidas menos gravosas que a prolongación da situación provisional”.

Desde a Coordenadora Nacional da Marcha Mundial das Mulleres na Galiza amosamos a nosa total repulsa contra este decisión e contra un sistema xudicial, o español, que ampara a violadores e desprotexe ás mulleres, e incrementando o risco para as mulleres de que calquera violencia cometida contra nós quede impune ou mal calificado.

A excarcelación dos violadores é coincidente, porén, co proceso xudicial ou engaiolamento de persoas por participar en mobilizacións pacíficas, por formar parte dun piquete, por manifestar críticas ao sistema nas súas cancións, por participar en mobilizacións contra o franquismo ou a prol do dereito de autodeterminación dos pobos.

Este novo golpe aos nosos dereitos é unha mensaxe directa do patriarcado, amparado no sistema xudicial. Do mesmo xeito que se puxo en dubida a veracidade da declaración da muller que tivo a valentía de denunciar, que viu a súa historia converterse nun relato mediático no que ela era a culpábel e a cuestionada, o acto de valentía que representou pór unha denuncia converteuse nunha exposición absoluta da súa vida privada e íntima naque a muller voltou ser violada non só durante o proceso xudicial, senón ao coñecer a sentenza que os absolvía do delito de violación, e agora coa súa posta en liberdade.

Condeamos de novo o sistema que ampara a estes violadores, condeamos que denunciar calquera tipo de violencia fique impune ante terminoloxías absurdas que cambian os feitos, porque a violencia machista é violencia exercida sobre as mulleres por selo, e condeamos a súa posta en liberdade. Porque con estas decisións o patriarcado afortala o seu poder contra cada unha de nós, porque detrás dunha violación reafirman o poder masculino sobre a especie. Porque a violación é unha poderosa arma do poder patriarca empregada polos homes para dominar mediante o medo, e adoutrinar a outros homes.

Porque o exercizo da crueldade sobre o corpo das mulleres (e nalgúns casos de homosexuais e persoas transxénero) é unha mensaxe aleccionadora que o capitalismo patriarcal precisa impoñer a toda a sociedade.

Por iso, irmás, as feministas galegas, nun acto de sororidade e repulsa a calquera tipo de violencia contra as mulleres no mundo, saímos onte e hoxe ás rúas para mostrar a nosa repulsa a esta sentencia infame por parte do aparato xudicial español, que non fai máis que darnos, máis unha vez, a razón en que  sistema xudicial, o estado e o sistema económico son quen alimentan e protexen baixo a impunidade práctica calquera tipo de violencia sobre nós. Saímos ás rúas contra os violadores da Manada, contra un sistema que nos mata e exerce violencia contra nós, contra unha xustiza machista, saímos ás rúas polas voces das que xa non están, porque imos seguir en marcha até que todas sexamos libres.

QUERÉMONOS VIVAS!

Modificado o ( Domingo, 24 Xuño 2018 14:14 )
 

Solidariedade cas xornaleiras marroquies de Huelva

Correo-e Imprimir PDF

Desde a MMM facemos noso o sofremento das nosas irmás xornaleiras nos campos de amorodos de Huelva. Unha situación que levan padecendo anos as mulleres marroquís, sofrindo violencia de xénero, explotación sexual e laboral e racismo ante o silencio cómplice das institucións.

Abusos de todo tipo con xornadas que poden chegar a superar as 10 horas diarias, recluídas en barracóns que non cumplen as condicións mínimas de habitabilidade, baixo un réximencarcelario e totalmente illadas do resto da poboación, que chega ata o punto de non permitirlles máis que unha ducha á semana.

A contratación faise no lugar de orixe buscando ás mulleres máis vulnerables. Entre os criterios de selección están que teñan crianzas, que sexan pobres e que proveñan de zonas rurais; garantindo deste xeito unha violencia que non vai ter resposta con abusos sexuais e das condicións mínimas dunha contratación laboral.

Ante este arrebato da dignidade por parte dos históricos "señoritos andaluces", terratenentes que controlan a vida económica e política da zona, nós as mulleres da MMM erguemos o noso berro en solidariedade coas nosas irmás e apoiamos e secundamos a mobilización do día 17 en Huelva e todas aquelas que se produzan nas próximas semanas.

Denunciamos a alianza criminal do capitalismo, racismo e machismo que se está a dar na campaña da recollida dos froitos vermellos e dicimos NON á reforma laboral que permite este tipo de abusos, NON á lei de estranxería e NON ás políticas regresivas.

MULLERES EN MARCHA ATA QUE TODAS SEXAMOS LIBRES!!


Xuño 2018.

Modificado o ( Domingo, 24 Xuño 2018 12:36 )
 

CHARLA CON REBECA LANE E CONCERTOS

Correo-e Imprimir PDF

A Marcha Mundial das Mulleres temos a sorte de contar por primeira vez con REBECA LANE en Vigo. O martes 5 de xuño, na casa galega da cultura, falaranos de activismos, feminismo e hip hop na súa traxectoria e no seu país: Guatemala.

Rebeca Lane (Guatemala) é unha socióloga, poeta e cantante de rap, feminista e anarquista. Pertence ao colectivo “Ultima Dosis” e é fundadora de Somos Guerreras, unha proposta para visibilizar o traballo das mulleres de Centroamérica no Hip Hop.
Como poeta e socióloga ten un longo historial de colaboracións e publicacións. A súa é unha voz que fala de dereitos humanos, que rescata a memoria dxs represaliadxs políticxs na dictadura militar guatemalteca, que fala de ancestras e de mulleres bravas e emponderadas e que nos trasmite a forza dunha muller libre.

Se non coñeces a súa música animámoste a botar un ollo na súa páxina web: www.rebecalane.com.

Agardamos contar contigo!!

 

E o mércores 6, e xoves 7 de xuño, está en concerto na Coruña e Vigo como se pode ollar nos cartaces!

Dende a coordenadora de Vigo da Marcha Mundial das Mulleres tamén colaboramos para organizar este concerto, agardamos ser moitas acompañando a Rebeca tamén na festa!!

https://www.facebook.com/events/191518494821266/
Modificado o ( Martes, 29 Maio 2018 17:39 )
 

CHAMADO PARA O 11º ENCONTRO INTERNACIONAL DA MARCHA MUNDIAL DAS MULLERES

Correo-e Imprimir PDF

CHAMADO PARA O 11º  ENCONTRO INTERNACIONAL DA MARCHA MUNDIAL DAS MULLERES


Do 22 ao 28 de Outubro en Bilbao

Queridas mulleres do mundo;

Activistas, camaradas, amigas;

En 1998 reunímonos en Montreal, Quebec, no primeiro Encontro Internacional da Marcha Mundial das Mulleres para organizar a Acción Global contra a pobreza e a violencia no 2000. Estivemos cheas de enerxía e forza para a loita. Cremos que é por isto que tivemos tanto éxito nos nosos países, así como a nivel internacional.

Nestes anos estivemos fortalecendo os nosos alicerces (Igualdade, Liberdade, Solidariedade, Xustiza e Paz) e profundando no noso afán pola autonomía a través da auto-organización de mulleres.

Xa pasaron 20 anos e o noso movemento creceu pero, doutra banda, o capitalismo patriarcal tense reinventado e fíxose máis extremo e violento. O recorte das liberdades e o control da vida das mulleres é unha realidade que encaramos en todo o mundo. Cada día as nosas vidas son invadidas con noticias sobre ataques aos dereitos das mulleres; os efectos do terrorismo e o fundamentalismo aféctanos cada vez máis; o progreso do capitalismo e a extrema dereita é cada vez máis visible; o poder das corporacións absorbeu aos Estados e as comunidades e a xente está a perder os seus espazos. A O militarismo e a guerra mutilan as vidas das mulleres en todo o mundo; a radicalización das relixións, as prácticas culturais e o conservadurismo oprímenos máis que nunca.

Mulleres en todo o mundo están a denunciar e resistindo ante este contexto!

As activistas da Marcha Mundial das Mulleres están en primeira liña organizándose e actuando en defensa das súas comunidades, en defensa da vida. Cremos na nosa forza, cremos en nós como fonte de alternativas e solucións. A nosa diversidade, o noso coñecemento colectivo e a nosa historia son a fonte do noso poder, iso mesmo defendemos!

Con este mesmo entusiasmo e coa mesma alegría, queremos vervos a todas en outubro no noso 11º Encontro Internacional que terá lugar en Bilbao, País Vasco. Como xa sabedes, os Encontros Internacionais son a Asemblea do noso movemento e é o momento en que xuntas, avaliamos, repensamos e planeamos como queremos continuar a nosa loita e como construímos as nosas alternativas para facer fronte ao contexto no que vivimos. É o momento no que definimos o camiño da nosa loita e as accións para os próximos anos.

11º Encontro Internacional da Marcha Mundial das Mulleres

Cando: do 22 ao 28 de Outubro de 2018

Onde: en Bilbao, País Vasco, Estado Español

Quen pode participar: todas as CN’ s da MMM poderán traer un máximo de 3 delegadas e polo menos una delas debe ser nova (menos de 30 anos). As delegadas deberán estar acreditadas cunha carta oficial da súa CN. A partir deste momento, empezamos o proceso de preparación do Encontro Internacional e esperamos a vosa participación activa. En breve recibirán novos documentos de referencia. Estamos moi emocionadas coa marabillosa posibilidade de estar con todas vós moi pronto.

O Secretariado Internacional

 
Páxina 3 de 29

Participa!

unete.png

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel

Quen está en liña?

Temos 27 convidados en liña