CHARLA CON REBECA LANE E CONCERTOS Imprimir
Escrito por Marcha Mundial das Mulleres na Galiza   
Martes, 29 Maio 2018 17:25

A Marcha Mundial das Mulleres temos a sorte de contar por primeira vez con REBECA LANE en Vigo. O martes 5 de xuño, na casa galega da cultura, falaranos de activismos, feminismo e hip hop na súa traxectoria e no seu país: Guatemala.

Rebeca Lane (Guatemala) é unha socióloga, poeta e cantante de rap, feminista e anarquista. Pertence ao colectivo “Ultima Dosis” e é fundadora de Somos Guerreras, unha proposta para visibilizar o traballo das mulleres de Centroamérica no Hip Hop.
Como poeta e socióloga ten un longo historial de colaboracións e publicacións. A súa é unha voz que fala de dereitos humanos, que rescata a memoria dxs represaliadxs políticxs na dictadura militar guatemalteca, que fala de ancestras e de mulleres bravas e emponderadas e que nos trasmite a forza dunha muller libre.

Se non coñeces a súa música animámoste a botar un ollo na súa páxina web: www.rebecalane.com.

Agardamos contar contigo!!

#musicafeminista #RebecaLane #feminismoSenTregua#FeminismoParaVivir #mmm #feminismo #feministas #latinoamerica#feminismocomunitario #nenunhamenos #feminismogalego#feminismogaliza

 

E o mércores 6, e xoves 7 de xuño, está en concerto na Coruña e Vigo como se pode ollar nos cartaces!

Dende a coordenadora de Vigo da Marcha Mundial das Mulleres tamén colaboramos para organizar este concerto, agardamos ser moitas acompañando a Rebeca tamén na festa!!

https://www.facebook.com/events/191518494821266/
Última actualizaciónfeita en Martes, 29 Maio 2018 17:39