Rompamos o bloqueo – Mulleres Rumbo a Gaza, presentación da campaña galega Imprimir
Escrito por Administradora   
Xoves, 14 Abril 2016 23:36

O vindeiro Luns 18 de Abril ás 20:00 hrs. no Salón Rahid do Hotel Araguaney de Compostela terá lugar a presentación da campaña galega de Mulleres Rumbo a Gaza, enmarcada na nova campaña da Coalición Internacional da Flotilla da Liberdade, formada a nivel estatal por Rumbo a Gaza.

Nesta campaña, que busca romper o bloque ilegal ao que o inventado estado sionista de Israel leva sometendo dende fai unha década á poboación palestina, faise especial incidencia no papel das mulleres palestinas na resistencia e na loita pola liberación do seu pobo.

Quérese visibilizar as opresións ás que estas mulleres son sometidas diariamente: principalente a xerada pola ocupación israelita, pero tamén a causada polo patriarcado, e de xeito moi relevante a xerada pola mirada occidental, que as reclúe ao seu papel máis doméstico, negándolles todos os espazos públicos que de feito tradicionalmente veñen ocupando.

A campaña galega está coordinada por BDS Galiza en colaboración coa Coordinadora galega da Marcha Mundial das Mulleres e co apoio de diversos grupos: Confederación Intersindical Galega (CIG), Sindicato Labrego Galego (SLG), Mar de Lumes, Pallasos en Rebeldía, Asociación galega contra o maltrato a menores (AGAMME) e Conas Ceives.

En sororidade feminista, viva a loita das mulleres palestinas!!!