MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Marcha Mundial das Mulleres :: Feminismo :: Galiza

8 de Marzo: Construíndo feminismo, destruíndo o capitalismo

Correo-e Imprimir PDF

8 DE MARZO DÍA INTERANCIONAL DAS MULLERES

CONSTRUÍNDO FEMINISMO, DESTRUÍNDO CAPITALISMO

Nós, as mulleres da Marcha Mundial das Mulleres seguimos traballando na construción doutro mundo posible, reafirmándonos na resistencia, o enfrontamento e a construción de alternativas ao actual modelo patriarcal, capitalista, racista, lesbofóbico e colonial, construíndo e  actualizando o feminismo como un proxecto que garante a igualdade entre todas as mulleres, nunha sociedade de homes e mulleres libres e iguais, sen opresións étnicas, relixiosas e con libre exercicio da nosa sexualidade.

No momento actual, no que asistimos a unha forte reestruturación do capitalismo para manter a súa máxima de explotación e opresión, reforzado pola privatización dos servizos, espazos e bens públicos, incluíndo na lóxica dos mercados todo o que podería ser comercializado, faise visible, unha vez máis, o sistema hexemónico no que vivimos, baseado nun modelo de crecemento ilimitado imposible, inxusto e insustentable. A explotación da natureza, os ataques aos dereitos e á soberanía dos pobos, o control sobre o corpo e a vida das mulleres, o aumento da militarización, a criminalización e a violencia son mecanismos que sustentan a súa acumulación por desposesión, baseada na expansión da mercantilización de todas as dimensións da vida humana.

Adicamos os nosos esforzos a liberarnos do patriarcado e o capitalismo, que son a raíz do sistema opresor no que vivimos. A pobreza, a violencia, a inmigración forzada e o terrorismo son expresións da violencia que sofren as mulleres, as crianzas e as comunidades marxinalizadas como consecuencia das estratexias da militarización, o extremismo e as medidas de austeridade que apuntalan o sistema e a clase dirixente.

Neste sentido queremos condenar a actitude da comunidade internacional, especialmente a Unión Europea, pola falla de resposta á crise de refuxiadas e refuxiados. Unha resposta baseada no militarismo e no peche de fronteiras ás persoas que escapan de Siria, Libia, Irak, Kurdistan e outros territorios.

Unha vez mais somos testemuñas de que a vida humana non vale nada. Vemos diariamente como a xente ten que fuxir do seu pais tratando de escapar do fundamentalismo, o terrorismo e a guerra (promovida por algúns estados como Estados Unidos e os seus gobernos aliados, así como a industria do armamento)para despois atopar unha fortaleza inexpugnable en Europa, deixando nunha situación de especial vulnerabilidade as crianzas e as mulleres que a miúdo son violentadas e privadas dos seus dereitos.

Continuamos o noso chamamento a solidariedade e reafirmamos que as persoas refuxiadas son as nosas irmás que tentar fuxir de situacións de extrema violencia provocadas por un sistema inxusto.

Solidarizámonos coas mulleres criminalizadas pola defensa da autonomía dos seus corpos e territorios, especialmente coas mulleres kurdas e con todas as persoas en resistencia en todas as partes do mundo.

A violencia patriarcal está presente na vida cotiá de todas as mulleres, moitas veces naturalizada e lexitimada, fortalecida coas desigualdades de clase e raza, revelando a falta de recoñecemento das mulleres como suxeitos autónomos. Especialmente coa explotación dos corpos das mulleres, controlados e regulados a partir de patróns morais dunha sexualidade heteronormativa, lesbofóbica, fálica e centrada no pracer masculino, na maternidade e nun canon de beleza imposto.

Nós estamos pola destrución do capitalismo e a construción dunha economía feminista e solidaria, alterando os patróns de reprodución e produción, distribución e consumo, ademais de recoñecer e valorar o traballo doméstico e de coidados como algo fundamental para a sustentabilidade da vida humana. Para todo isto, esiximos políticas emancipatorias construídas en base á soberanía alimentaria e popular.

Afirmamos que a auto-organización das mulleres é a nosa estratexia de fortalecemento como suxeitas políticas, que construímos unha forza mundial, en alianza cos movementos sociais que comparten a loita anti-capitalista e por unha sociedade baseada nos valores da liberdade, a igualdade, a xustiza, a paz e a solidariedade.

cartaz8m.png

 

14 de febreiro - Que é o amor romántico?

Correo-e Imprimir PDF

14 de febreiro

Que é o amor romántico?

O amor romántico é un modelo de amor que fundamenta o matrimonio monogámico e as relacións de parella estábeis nas culturas modernas, principalmente nas occidentais.

O amor romántico é o amor idealizado, predestinado, considerado como un sentimento único, diferente e superior a calquera outro sentimento, desexo ou modelo de vida ou de de amor. É ese amor que aínda que combinando o desexo emocional e sexual, otorga máis valor ás emocións que ao pracer.

O amor romántico é o amor que se comercializa no cine e na televisión, o que é aprobado pola igrexa, o que promoven os bancos. Un amor disfrazado de letras de cancións e relatos novelados que pretenden una vez completamente anestesiado, embriagado por toda clase de cheiros, sabores e demáis expectativas, trasladarte a un mundo ficticio, fantástico, utópico por irreal, que conduce á frustración, ao fracaso afectivo, á soidade e á mentira. É dicir, a vivir exactamente o contrario do que te contaran, ao que tanto aspirabas, iso que tan ben planificaras.

O amor romántico é un prometido antes mesmo do seu inicio, exclusivo, condicionado, incondicional, limitador, anulador, doloroso: quen non sufriu por amor, que parece que si non sofres non amas!. É un amor pobre, amargo, triste, traidor, un sentimento capaz de facerte sentir o ser máis infeliz do planeta.

O amor romántico é ese amor violento, intolerante, ciumento, inxusto, egoísta, represivo, que somete as mulleres aos desexos, praceres e necesidades dos homes. É o amor patriarcal, marcado polo machismo dende que nacemos. Un amor fabricado que educa ás mulleres e algúns homes como persoas indefensas incapaces de valerse por si mesmas, facéndoo nos crer que necesitamos a alguén sempre perto para poder ser felices.

O amor romántico é un amor obrigatorio, obrigado por nós e por terceiras. É ese amor tramposo que se antepón a calquera outro valor, que cre estar por riba de calquera outra cousa, é o amor sumiso e á vez abusivo, sen escrúpulos sempre e cando eu me saia coa miña e sen que se note. É un conxunto de mitos e de contos que lonxe de ensinarnos a amarnos, maltrátanos.

E pensaredes, que amando somos felices tamén. Pois trátase diso, de esquecer, de deixar atrás cánons, estereotipos e contos que nos fan felices por momentos e a algunhas nin sequera iso, e entregarse á verdade de cada unha para así poder amar libremente como cada persoa desexe, como cada persoa é e como cada persoa decida expresarse.

O amor, o amor de verdade, para ser amor, e para ser verdade, só poderá ser libre e gratuíto, non pode custarnos nada, nin feridas, nin a vida, nin a felicidade.

Campaña da Marcha Mundial das Mulleres neste 14F

Modificado o ( Sábado, 13 Febreiro 2016 01:01 )
 

Resposta nas rúas ante un novo feminicidio

Correo-e Imprimir PDF

Espertamos cunha muller asasinada polo seu compañeiro en Becerreá, outro brutal crime machista que nos trae a violencia diaria ao primeiro plano golpeando coa forza desgarradora que a violencia bate nas mulleres. Voltamos convocarnos para saír á rúa este sábado a reclamar vidas libres de violencias, de todas as violencias. Porque só así deixaremos de espertar estremecidas cada vez que unha de nós (todas) é asasinada.

CONCENTRACIÓNS SÁBADO 23 FEBREIRO ÁS 20 HORAS:
  • Vigo, no Marco
  • Lugo, na Praza do Concello
  • A Coruña, no Obelisco.
  • Compostela, na Praza 8 de marzo /Porta do Camiño.
  • Ferrol, na Praza do Concello.
  • Ourense, Castañeira (Subdelegación do Goberno).
  • Pontevedra, diante da Audiencia Provincial, R/ Rosalía de Castro.
  • O Carballiño, na Praza Maior
  • Vilalba, na Praza da Constitución
  • Val Miñor, no Parque Ramallosa (ás 18 horas)

 

 

 

En sororidade coas compañeiras Kurdas, contra os crimes do estado Turco

Correo-e Imprimir PDF

O 8 de xaneiro de 2016 realizouse o funeral de tres loitadoras e compañeiras, Pakize Nayir, Fatma Uyar e Sêve Demir, asasinadas polas forzas de seguridade do goberno turco o 4 de xaneiro en Silopi.

Nós, da Marcha Mundial das Mulleres sentímonos en particular moi golpeadas por este crime.Unha delas, Séve Demir, coordinou os eventos de lanzamento dá 4ª acción internacional da Marcha Mundial das Mulleres en Nusaybin.

Como parte da acción internacional, a Caravana feminista europea foi lanzada no territorio kurdo, estivemos no interior da Turquía para apoiar e reforzar ás mulleres kurdas na súa loita pola autonomía e autodeterminación sobre os seus corpos e os seus territorios. Tamén dando visibilidade ás alternativas construídas pola resistencia das mulleres ao sistema capitalista, colonial e patriarcal.

Para denunciar este asasinato político chamamos a toda a cidadanía a protestar fronte ao Consulado de Turquía na Coruña (Linares Rivas, 6) este xoves 21 ás 20h.

cartaz21xkurdas.png

E en Ourense:

kurdistan.png

Modificado o ( Mércores, 20 Xaneiro 2016 20:38 )
 

Resposta nas rúas ante o asasinato en Narón

Correo-e Imprimir PDF

Soubemos da detención do marido de Caridad Pérez de 79 anos asasinada en Narón o pasado 29 de decembro. Saímos pois novamente á rúa visibilizar un asasinato machista e reclamar o fin da violencia contra as mulleres. Paremos o feminicidio!! Basta de violencia machista!! Querémonos vivas!! ?#?machismomata? ?#?bastadeviolencia? ?#?stopfeminicidio?

Venres 15 ás 20h
- VIGO, diante do marco, convoca Marcha Mundial das Mulleres
- OURENSE, Castañeira (subdelegación), convoca Marcha Mundial das Mulleres
- FERROL, diante do concello, convoca Marcha Mundial das Mulleres
- PONTEVEDRA, diante da Audiencia Provincial, convocan feministas de pontevedra
- LUGO, praza do concello, convocan feministas de Lugo 
- A CORUÑA, Obelisco, convoca acción feminista da Coruña
- COMPOSTELA, na porta do camiño, convoca feminismos Compostela

asasinatocaridadnaron.png

 

COMUNICADO EN REPULSA ASASINATO MACHISTA DE MARINA

Correo-e Imprimir PDF

Concentración repulsa asasinato machista de Marina

COMUNICADO EN REPULSA ASASINATO MACHISTA DE MARINA RODRÍGUEZ BARCIELA

Empezamos o ano conmocionadas polo asasinato machista de Marina Rodríguez Barciela a mans do seu home.
Xa está ben, berramos que xa abonda de violencia contra as mulleres. Cal é a cifra de asasinadas precisa para que os gobernos tomen en consideración este problema de estado? Na pasada campaña de eleccións ao goberno, a violencia non entrou dentro das prioridades, todo o contrario, usouse para atacar e insultar o feminismo e os seus logros. Como é posible que a vicepresidenta do goberno culpabilizase ás vítimas?

As reaccións sociais á violencia machista seguen a quedar no mero superficial, lamentacións, minutos de silencio e días de loito cada vez que é brutalmente asasinada unha muller como se fose o resultado dunha reacción persoal do agresor, por causa do alcol, de problemas mentais, económicos, de ciúmes! ou aínda peor, culpabilizando á vítima por tolerar o agresor, por convivir con el sen ter tomado medidas, porque lle ía ben…

Os gobernos non queren que paren os asasinatos. É a única explicación que parece lóxica para que non se queira afondar na raíz do problema.

O feminismo fixo visible a violencia de xénero, a violencia baseada nas desiguais relacións de poder entre homes e mulleres, como crimes sistémicos e estruturais e polo tanto é responsabilidade dos estados loitar con medidas do sistema de xustiza e policial pero tamén promover e reforzar as medidas que promovan a igualdade.

Pero máis alá da igualdade formal non se quere afondar porque estes crimes fan un servicio ó patriarcado e ó capitalismo. Eses homes malvados fronte aqueles que non exercen violencia física. A perpetuación do control a través do medo.

A meirande parte das mulleres sufrimos unha violencia estrutural promovida por unha sociedade que segue a transmitir como valor que as mulleres pertencen os homes, definidas pola nosa relación con eles e perpetuando o papel de coidadoras.

Os nosos corpos non nos pertencen, e cada vez máis, se fai imprescindible que renunciemos o nosos tempo, o noso salario, para dedicarnos a ser enfermeiras, alimentadoras e sustento dos fogares. Asumimos “naturalmente” os traballos non remunerados baixo a chantaxe da crise e, os recortes quítanos os servizos públicos, onde mediante acceso por oposicións non se nos discrimina como traballadoras asaliariadas: garderías, sanidade, psiquiatricos, residencias de maiores, etc.

A educación é un alicerce fundamental para loitar contra a desigualdade; porén, a LOMCE cambiou “educación para a cidadanía” pola asignatura de
relixión.

Estamos na festa cristiá do Nadal, festa que reivindica o papel da familia. De que familia falamos? Cal é o papel  asignado? Non soportan que se mude a base do patriarcado, non queren ver nos asasinatos como o da nosa veciña Marina, unha cuestión política. Os medios de comunicación tratan estas noticias como crónicas de sucesos desde un punto de vista sensacionalista e mediático. Reforzan o marco patriarcal destacando as circunstancias particulares da vítima e do agresor, “era unha muller moi traballadora e moi limpa”, “ela queríao con loucura”.

Parar o feminicidio implícanos á sociedade enteira e en todas as facetas da nosa vida. Temos que desmontar as imaxes e os valores nos que se sustenta a violencia contra as mulleres. Neste camiño debemos esixir máis medios nos xulgados de xénero, xuíces e xuízas, policía e garda civil con formación en igualdade, apoio sicolóxico e económico as mulleres.
SE AGREDEN A UNHA AGRÉDENNOS A TODAS!!!
SE AGREDEN A UNHA AGRÉDENNOS A TODAS!!!

PAREMOS O FEMINICIDIO!!!
PAREMOS O FEMINICIDIO!!!
Modificado o ( Venres, 01 Xaneiro 2016 22:40 )
 
Máis artigos...
Páxina 9 de 64

Participa!

unete.png

Opinión - Debate

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel



Quen está en liña?

Temos 50 convidados en liña