MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Marcha Mundial das Mulleres :: Feminismo :: Galiza

Asasinato do doutor George Tiller por activista 'pro-vida'

Correo-e Imprimir PDF

No mesmo día no que na Galiza estabamos a celebrar o Maio Reivindicativo como fin da campaña ‘En defensa do dereito ao aborto na Sanidade Pública’, na que durante todo o mes de Maio pretendemos profundar no debate sobre a necesidade de garantir a liberdade de elección, a educación para exercer unha sexualidade satisfactoria e empoderadora, e un aborto seguro e gratuíto, nos Estados Unidos o doutor George Tiller era morto a tiros por un activista do movemento ‘pro-vida’ deste país.

Tiller dedicou a súa vida a proporcionar atención sanitaria de calidade a mulleres a pesar das ameazas e actos de violencia dos que con frecuencia era suxeito. A clínica de Tiller sufrira un atentado con bomba en 1986, en 1991 o grupo ‘pro-vida’ ‘Operación Rescate’ tivera acordoada a clínica de Tiller durante a campaña ‘Verán de Misericordia’. O doutor fóra xa atacado e ferido por unha activista en 1995, e no mes pasado o seu lugar de traballo sufrira unha vez mais danos considerábeis a mans duns descoñecidos.

Temos de ser conscientes da influencia que discursos e accións intransixentes e reaccionarios en contra da liberdade das persoas poden ter en actos desta natureza, no que en nome da defensa da vida, a arma de loita que se usa, paradoxalmente, é a morte. A imposición duns valores e moral determinados para a construccón politica e xurídica dunha sociedade con diversidade ideolóxica, social e cultural a través de campañas de coacción, falsidade, xustificación dos limites á liberdade das persoas, á democracia, o fomento da desigualdade, da inxustiza social deben ser valorados e denunciados por todas, pois a todas nos afecta.

Declaracións como as do cardeal Antonio Cañizares, membro da Conferencia Episcopal, xustificando e evadindo responsabilidades sobre o abuso sexual sistemático a menores dicindo que hai cousas peores, como por exemplo o aborto, son por suposto inadmisíbeis, mais que un representante dun partido político e que se está a presentar ás eleccións europeas neste momento secunde e corrobore este posicionamento debería ser motivo da súa inmediata retirada de candidatura e prevención de futuro cargo político.

George Tiller era crente, tiña catro fillos e dez netos, e a súa familia quere que sexa recordado como ‘un bo esposo, pai e avó e un servidor dedicado dos dereitos das mulleres.’

George Tiller de 67 anos foi morto no domingo 31, cando chegaba á igrexa luterana á que pertencía, en Kansas City.

Link para nova en inglés no xornal británico ‘The Guardian’

Modificado o ( Xoves, 04 Xuño 2009 16:12 )
 

Maio Reivindicativo na Praza da Quintana

Correo-e Imprimir PDF

Este 31 de Maio tivo lugar na Praza da Quintana o acto organizado pola Marcha Mundial das Mulleres na Galiza que sirve como feche da primeira parte da campaña EU DECIDO! En Defensa do Dereito ao Aborto, na Sanidade Pública!. Estas son algunhas imaxes do maio reivindicativo e a alfombra floral realizados ao longo da mañá:

 

Modificado o ( Xoves, 09 Setembro 2010 12:54 )
 

Viacrucis Reivindicativo en Ourense

Correo-e Imprimir PDF

Dentro dos actos da Marcha Mundial das Mulleres na campaña EN DEFENSA DO DIREITO AO ABORTO, NA SANIDADE PÚBLICA. EU DECIDO, a Coordenadora Comarcal de Ourense levou a cabo un "VIA CRUCIS REIVINDICATIVO" con parada en distintos organismos como a Delegación territorial da Xunta, a Policía Nacional, a Subdelegación do Governo, o Bispado e a Catedral, entre outros. Con altofalantes nas mans, as manifestantes, acompañadas pol@s músic@s, a ritmo de procesión, cantaron distintos lemas ante a mirada curiosa e sorprendida d@s viandantes, asemade ían pegando unha silueta en cada parada cun lema reivindicativo: "1ª falta: non me ven a regla, 2ª falta: fago o test, 3ª falta: vou ao médico, 4ª Falta: se me pasou o prazo...",... Haivos que lembrar que aqui non goberna a Conferencia Episcopal!",... " As nosas cousas como votantes tamén son importantes!", ... A festa reivindicativa cargada de simboloxía feminista e cun marcado tono lila rematou coa Resurrección na praza de San Marcial e a pegada da derradeira silueta "EU DECIDO". O acto coincidíu coa saída de campaña do Partido Popular, nós non nos metimos con eles, pero segundo contan as boas línguas a comitiva tivo que andar mudando o itinerario previsto para non cruzarse coas mulleres da Marcha Mundial.

Eis unha selección de imaxes do acto:

Modificado o ( Martes, 02 Xuño 2009 09:40 )
 

Em apoio de Laura Bugalho

Correo-e Imprimir PDF

A Marcha Mundial das Mulleres considera à activista Laura Bugalho umha represaliada de conciencia.

O pasado martes era detida, tras irrumpir no seu lugar de trabalho e na súa casa, a activista feminista, sindicalista e defensora dos dereitos das persoas transexuais, Laura Bugallo. Era acusada supostamente, de falsedade documental, en relación á actividade que desenvolve dentro da Confederación Intersindical Galega, en defensa dos dereitos das persoas imigrantes.

Nom é a primeira vez que activistas con vinculación coa imigración, teñen represalias xudiciais ou policiais, favorecidas por unha lei que trata como delincuentes a quen exerce un dereito humano fundamental como é a libre circulación das persoas. Esta lei que trata a imigración como delito, o mesmo traba en sindicatos, asociacións de imigrantes ou ONG, facendo dunha actividade de solidariedade humana fundamental, unha actividade de alto risco que pode acarrear multas, detencións e mesmo cárcere.

A Marcha Mundial das Mulleres considera que Laura Bugallo, independentemente das acusacións xudicias, e dos feitos que se lle puideran imputar en relación coa sua actividade na CIG-Imigración, é unha represaliada de conciencia, pois ela, como o resto de feministas que apoiamos e participamos nesta rede internacional consideramos que:

"Todos os seres humanos, independentemente do seu país de orixe, da súa nacionalidade e do seu lugar de residencia, deben ser considerados como cidadáns e cidadás de pleno dereito, gozando de dereitos humanos (dereitos sociais, económicos, políticos, civis, culturais, sexuais, reprodutivos, ambientais) de unha maneira igualitaria e equitativa realmente democrática."

Desta maneira está recollido no documento "Carta Mundial das Mulleres para a Humanidade" aprobado en Ruanda por mulleres representantes de 150 países e inspirador da loita contra a violencia e a pobreza que se desenvolve en todo o planeta. Este parágrafo inspirado no valor da Xustiza, guia a actividade da compañeira Laura e de miles de activistas polos Dereitos Humanos, tamén das persoas imigrantes, en todo mundo.

É por isto que consideraremos proprio dun réxime autoritario e incumplidor da Declaración dos Dereitos Humanos, calquera sanción que se impoña á activista Laura Bugallo, recibindo a nosa máis enerxica condena, que trasladaremos ao ámbito internacional, alentando á sociedade galega a oporse xunto con nós a estas políticas que alentan o aumento da xenofobia en Europa.

Modificado o ( Sábado, 30 Maio 2009 08:43 )
 

Palestras 'En defensa do dereito ao aborto, na Sanidade Pública'

Correo-e Imprimir PDF

Nesta semana terán lugar as últimas palestras-coloquio organizadas pola Marcha Mundial das Mulleres nas que estamos a compartir inquedanzas e estratexias para conseguirmos o dereito a decidir de todas as mulleres na Sanidade Pública. Nas palestras distribuiranse copias da publicación 'O dereito a decidir: situación actual e alternativas à despenalización do aborto'.

26 de Maio - PONTEVEDRA- Na Galeria Sargadelos (Rúa Oliva, 24) ás 20h.Proxectarase o documental 'Mai por escolla, non por obriga' de Dorothy Fadiman e intervirán representantes da Marcha Mundial das Mulleres.

27 de Maio - COMPOSTELA- Na Libraria Couceiro (Praza de Cervantes, 6) ás 19:30h. Intervirán representantes da Marcha Mundial das Mulleres e  Lola Ferreiro, catedrática de saúde, membra do Grupo Lúa Crecente de estudos de saúde e xénero e co-editora do proxecto de intervención 'Coeducación afectivo-emocional e sexual',

28 de Maio - VIGO- Na Federación veciñal Eduardo Chao (Praza Princesa, 7) ás 20:30h. Intervirá a Marcha Mundial das Mulleres e Lola Ferreiro.

29 de Maio - VIGO- No Centro Social 'A Revolta' (Rúa Real, 32) ás 20:30h. Intervirán representantes da Marcha Mundial das Mulleres.

Modificado o ( Domingo, 24 Maio 2009 21:47 )
 

Palestra no Val Miñor

Correo-e Imprimir PDF

A charla realizouse nunha das salas do piso alto da Vella estación do tranvía en A Ramallosa, Val Miñor. Éramos ao redor de 30 mulleres. A exposición de Carmela Garrido foi sinxela e expositiva da situación na que se desenvolve a interrupción do embarazo na actualidade, tamén estivo chea de referencias a experiencias e vivencias comúns a todas as mulleres, o que propiciou que na parte do coloquio se deran varias intervencións, complementarias e profundizando no que se dicía na anterior.

Resaltaría a que agradecía o traballo da MMM na difusión e explicación do borrador da Lei do Aborto, así como de ser as que levamos esta información ás mulleres do pobo.

Próximas Convocatorias:

Charla - Coloquio en Vigo o 28-05-09 ás 20:30 no Centro Veciñal Eduardo Chao, Praza da Princesa, Vigo. Falará Lola Ferreiro.

Charla - Coloquio en Vigo o 29-05-09 ás 20:00 no Centro Social A Revolta, Rúa Real, Vigo.

Modificado o ( Domingo, 24 Maio 2009 20:40 )
 
Máis artigos...
Páxina 52 de 64

Participa!

unete.png

Opinión - Debate

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel



Quen está en liña?

Temos 68 convidados en liña