MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Marcha Mundial das Mulleres :: Feminismo :: Galiza

Crónica da palestra en defensa do dereito ao aborto en Ferrol

Correo-e Imprimir PDF

En Ferrol o pasado venres 15, Lola Ferreiro falounos sobre a importancia de separar sexualidade de procreación, e de como a definición de relacións sexuais está restrinxida a coital e anal excluíndo así o resto das manifestacións que forman parte da nosa sexualidade. O coñecemento do noso corpo, do que nos satisface persoalmente e sexualmente, vainos facer persoas mais libres e cunha maior seguridade en nós mesmas e nas demais persoas o que pode resultar na arma mais potente contra o capitalismo e o patriarcado os cales se sustentan na desconfianza entre as individuas e na vulnerabilidade emocional, afectiva e sexual das mulleres.

A educación sexual-reprodutiva no sistema educativo dos últimos anos, centrouse na explicación biolóxica da capacidade reprodutiva das mulleres e os homes, e a información sobre métodos anticonceptivos limitouse en moitos casos ao uso do condón, como preventor de enfermidades de transmisión sexual e embarazos en adolescentes.

Para Lola Ferreiro está claro que o anteproxecto de lei presentado polo goberno do Estado Español na última semana non garante o rol fundamental da educación sexual desde crianzas, o que resulta moi preocupante considerando que é o mais importante medio no longo prazo para previr a gravidez indesexada e portanto o aborto.

Durante o debate xurdiron reflexións sobre a necesidade de contestar os ataques da igrexa hierárquica e dos grupos anti-dereitos da muller, e mesmo regresar a debates antigos argumentando a lexitimidade do dereito ao aborto. Lola salientou a futilidade de entrar neste tipo de debates e dinámicas nun momento, no que mais que nunca, as mulleres non precisamos de axir ao son de ninguén mais que ao noso propio, e no que o noso obxectivo é avanzar na loita para conseguirmos as mellores das condicións para finalmente garantir o dereito a decidir de todas as mulleres.

Modificado o ( Domingo, 24 Maio 2009 12:55 )
 

Apoio da MMM a iniciativas estatais em defensa do direito ao aborto

Correo-e Imprimir PDF
A Marcha Mundial das Mulheres na Galiza apoia as iniciativas estatais http://mujeresantecongreso.blogspot.com/ e www.nosotrasdecidimos.org em defesa do direito a decidir das mulheres. Consideramos fundamental neste momento que o movimento feminista nacional e estatal trabalhe conjuntamente para que as vozes das mulheres sejam escuitadas e integrem toda iniciativa em prol da legalizaçom do aborto e de garantir os direitos sexuais, reprodutivos e de decisom de todas as mulheres sem nenhum tipo de discriminaçom. Nom nos conformaremos com leis ambíguas que deixem à vontade de governos autonómicos, grupos conservadores, funcionariado, etc, a aplicaçom efectiva destes direitos, nem que se questione a capacidade das mulheres para tomarem as suas próprias decisões, obrigando-as a mais três dias de reflexom. As mulheres continuaremos a luita até conserguirmos que o sistema judicial, educativo e sanitário garanta os nossos direitos firmemente e sem condições.
Modificado o ( Mércores, 20 Maio 2009 10:45 )
 

Novas palestras para presentar a Campaña Nacional en defensa do Dereito ao Aborto, na Sanidade Pública

Correo-e Imprimir PDF

Nesta semana terán lugar dúas palestras en defensa do dereito ao aborto nas que compañeiras da Marcha Mundial das Mulleres falarán sobre os principios básicos da campaña nacional que se está a desenvolver na Galiza, da situación actual de vulnerabilidade xurídica e precariedade sanitaria e educativa das mulleres e das profesionais, e da necesidade de cohesión da sociedade e do movimento feminista na defensa dos dereitos das mulleres.

En Val Miñor, o mércores 20 ás 19h na Antiga Estación de Tranvías da Ramallosa.

En Carballo, o venres 22 ás 20:30 no Telecentro no Pazo da Cultura.

Modificado o ( Martes, 19 Maio 2009 14:38 )
 

EU DECIDO! Semana de Actividades da Campaña en Ourense

Correo-e Imprimir PDF

A Coordenadora Local de Ourense da Marcha Mundial das Mulleres na Galiza inicia unha serie de actividades enmarcadas na campaña nacional EU DECIDO! En defensa do dereito ao aborto, na Sanidade Pública!

As actividades serán as seguintes:

LUNS 18 Maio: ´Co aborto EU DECIDO' Palestra-coloquio en Ourense.  Dentro do marco da campaña nacional en defensa do dereito ao aborto, na Sanidade Pública, a Marcha Mundial das Mulleres en Ourense organiza unha palestra-coloquio na que participará Celsa Perdiz, asistenta social do COF (Centro de Orientación Familiar) de Ourense. Proxectarase o documental 'Mai por escolla, non por obriga' de Dorothy Fadiman sobre a historia da luita polos dereitos reprodutivos nos Estados Unidos, e se presentará a publicación 'O dereito a decidir: Situación actual e alternativas á despenalización do aborto' editada pola coordenadora comarcal da Coruña. O acto terá lugar o luns 18 de Maio na Casa da Xuventude (rúa Celso Emilio Ferreiro, 27) ás 20:00

MÉRCORES 20 Maio: No Ateneo, ás 11.00 horas para anunciar o Viacrucis e facer un chamamento á participación da comarca no Maio Nacional do 31 de Maio, ás 11.00 horas na Praza da Quintana.

VENRES 22 Maio: Acción de rúa: Viacrucis pola cidade con saída da Casa da Xuventude ás 19:00 h. Esta actividade consistirá nun percorrido pola cidade facendo parada en 15 puntos estratéxicos nos que se farán diversas actividades e actos simbólicos reivindicando eos eixos básicos da campañan e denunciando os organismos ou institucións que pretenden impedir os dereitos das mulleres.

PERCORRIDO DO VIACRUCIS:

  1. Casa da Xuventude,
  2. Sede do Superdelegado (Casa de Chocolate),
  3. Policía Nacional
  4. Delegación Servizos Sociais,
  5. Pazo de Xustiza
  6. Consellería de Educación (r/ Concello),
  7. Delegación do SERGAS,
  8. Colexio Médico
  9. COF
  10. Subdelegación do Goberno
  11. Antiga sede do B. España
  12. Bispado
  13. Concello
  14. Catedral
  15. A RESURRECCIÓN (Grândola, Praza San Marcial)
Modificado o ( Venres, 15 Maio 2009 13:02 )
 

Apoio ás mobilizacións das traballadoras e traballadores de Caramelo na Coruña

Correo-e Imprimir PDF

Asistimos a unha nova vaga de despedimentos na provincia amparados pola crise, a empresa Caramelo ven de presentar un ERE que afecta a 237 empregadas ,a maioría delas mulleres, e de impor a "flexibilidade horaria" ao resto da súa plantilla. As traballadoras están en loita contra os despedimentos (folgas, mobilizacións, feches).

A Coordenadora da Coruña da Marcha Mundial das Mulleres na Galiza Manifesta:

  1. O seu apoio ás mobilizacións das traballadoras e traballadores de Caramelo na Coruña en defensa dos seus postos de traballo e contra as deslocalizacións.
  2. Atopámonos nunha situación de crise provocada polo sistema capitalista da que se quere saír á costa dos deritos das traballadoras e traballadores aplicando a conxelación salarial, o aumento da xornada laboral, maior precarización das relacións laborais, e despedindo a traballadoras e traballadores.
  3. Asistimos con preocupación á aplicación, por parte dos gobernos, de medidas contra a crise, que trasladan grandes cantidades de fundos públicos, en axudas a grandes empresas e entidades financeiras. Mentres estas non deixan de presentar EREs, e rebaixar as conquistas sociais das traballadoras e traballadores.
  4. Dende os gobernos falan de igualdade, de conciliación familiar e laboral, pero as políticas que se aplican non conseguen mudar a realidade, as mulleres continuamos a ser o sector que máis sofre o desemprego, a precaridedade laboral, e a exclusión social.
  5. Nós como movemento feminista e anti-capitalista, reixetamos as políticas neoliberais que os gobernos están a propor para saír da crise, e por iso esiximos políticas que aseguren o mantemento de todos os postos de traballo e os dereitos das traballadoras e traballadores, e:
    1. Que a Xunta do PP non admita os EREs.
    2. Que se prohiban as deslocalizacións e así evitar a perda dos postos de traballo na nosa terra.

AS MULLERES TRABALLAMOS, AS MULLERES CONTAMOS
NON SOLUCIONAREDES A CRISE A COSTA DOS NOSOS DEREITOS

Modificado o ( Sábado, 16 Maio 2009 01:29 )
 

Palestra 'Tecendo redes para conseguirmos o dereito a decidir sobre o noso corpo'

Correo-e Imprimir PDF

O pasado xoves, 7 de Maio, tivo lugar a palestra 'Tecendo redes para conseguirmos o dereito a decidir sobre o noso corpo' no Centro social Atreu, onde nos agardaban as compañeiras de Nomepisesofreghao moreia de parafeministas desgêneradas. As mulleres encargadas de preparar o acto explicamos o proceso de loita polos dereitos sexuais e reprodutivos no marco da Marcha Mundial das Mulleres na Galiza nos últimos dous anos, cal era a regulación actual en relación ao aborto, cales eran as principais medidas que se recollían nos informes do goberno sobre o tema e cales eran os puntos vindicativos da campaña "En defensa do dereito ao aborto na sanidade pública: eu decido" aos cales non íamos renunciar.

Despois da nosa exposición xurdiu o debate: a preocupación sobre se a nova lei do aborto pode supoñer unha merma das posibilidades que para algunhas mulleres supón na praxe a regulación actual, a tutela sobre a nosa capacidade de decidir que supón a esixencia de motivos documentados por terceiras persoas para poder abortar, a inseguridade xurídica na que se producen os abortos, o feito de que estes se producen en clínicas privadas ou concertadas e en malas condicións...

Na última parte da palestra o debate máis teórico sobre a situación do aborto e dos dereitos sexuais e reprodutivos axiña derivou na necesidade de articulación do movemento feminista para sumar forzas nunha loita que se presume longa. As compañeiras de nomepises, e outras mulleres alí presentes, comprometéronse a apoiar e participar da campaña da marcha en relación ao aborto e manifestaron o seu interese en artellar xuntas accións no plano local.

Modificado o ( Domingo, 10 Maio 2009 13:24 )
 
Máis artigos...
Páxina 52 de 63

Participa!

unete.png

Opinión - Debate

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel



Quen está en liña?

Temos 10 convidados en liña