MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Marcha Mundial das Mulleres :: Feminismo :: Galiza

Nós somos todas Honduras, estamos en resistencia!

Correo-e Imprimir PDF

Nós somos todas Honduras, estamos en resistencia!

A Marcha Mundial das Mulleres e a Rede Latinoamericana Mulleres Transformando a Economía unímonos a todas as organizacións feministas e do movemento social de Honduras para condenar e repudiar vehemente o golpe de estado contra o presidente Manuel Zelaya Rosales, dirixido polas Forzas Armadas e o presidente do Congreso Nacional, Roberto Micheletti, co apoio dos medios de comunicación controlados pola oligarquía dese país.

Executado polas forzas armadas ás 5 da mañá do domingo, 28 de xuño, o golpe truncou as aspiracións democráticas da poboación, que se preparaba para realizar unha enquisa onde se lle preguntaría á sociedade hondureña se estaba de acordo en convocar a unha Asemblea Nacional Constituínte que elaboraría unha nova constitución. Ademais, o golpe militar instaurou na presidencia a Roberto Micheletti, monicreque da oligarquía hondureña.

Apoiamos á resistencia pacífica do pobo, en particular ás feministas hondureñas, que están mobilizadas en vixilias e folga xeral en apoio ao Presidente Zelaya e á restitución da democracia hondureña, e xuntámonos a todos os movementos sociais para esixir:

  1. O reestablecemento da orde constitucional, sen derramamento de sangue.
  2. Que o Exército no reprima á poboación de Honduras que esixe o retorno da democracia.
  3. Que se respecte a integridade física das feministas e demais dirixentes sociais, que estivesen á fronte da consulta.
  4. O retorno inmediato do Presidente Zelaya ás súas funcións en Honduras e o rexeitamento a Micheletti por parte da Organización dos Estados Americanos.
  5. Que as autoridades garantan o dereito da populación ao pleno exercicio da democracia a través da consulta popular.

Denunciamos o rol dos medios de comunicación comerciais, utilizados polas oligarquías hondureñas como ferramenta para frear a vontade popular e intermediar, alentar e xustificar o golpe, facéndoos cómplices.

Exhortamos a todas as persoas, organizadas e non organizadas, en nivel nacional e internacional, a que se manifesten en contra desta agresión aos dereitos do pobo hondureño e a difundir este pronunciamento. Invitamos tamén a socializar informacións producidas polos medios populares como a Radio ELM (www.radioeslodemenos.org) e Rádio Mundo Real (www.radiomundoreal.fm).

Ademais, facemos un chamamento aos movimentos sociais a protestar fronte ás representacións diplomáticas e comerciais de Honduras, e a enviar cartas de rexeitamento ao golpe de estado ás embaixadas en cada un dos seus países.

Estaremos en marcha ata que todas sexamos libres!

29 de xuño de 2009

Modificado o ( Martes, 30 Xuño 2009 18:34 )
 

Salcedo: pola defensa dos montes e contra ampliación dos terreos da Brilat

Correo-e Imprimir PDF

Este domingo 28 de xuño a Marcha Mundial das Mulleres participou na mobilización que as veciñas e veciños de Salcedo convocaban pola defensa dos montes e contra ampliación dos terreos da Brilat. Esta ampliación afecta a máis de 10.000 vivendas dos concellos de Pontevedra, Marín e Vilanova, afecta a milleiros de fincas agrícolas, forestais, a varias empresas. Con esta ampliación roubanlle a Salcedo todo o monte comunal, roubanlle polo tanto unha parte importante do seu patrimonio cultural e con el a toda Galiza. O monte comunal figura importante e con leis propias no territorio galego.

Este domingo 28 de xuño  saimos ao redor de 3000 persoas desde o Campo do Casal(Salcedo) en marcha polos monte de Salcedo, vimos unha construción de aldea afgana, pola outra non nos deixaron pasar, ao longo deste percorrido encontrámonos nos cruces dos corta lumes e corredoiras varias furgonetas da "policia nacional" e militares, para que só fósemos por onde eles nos deixaban. Nin no monte somos libres. Este domingo 28 de xuño a Marcha Mundial das Mulleres  fixemos un chamado contra a militarización da vida e contorno das veciñas e veciños de Salcedo e da cidadanía do mundo enteiro. EN MARCHA ATÉ QUE TODAS SEXAMOS LIBRES, E TODOS.

Modificado o ( Martes, 30 Xuño 2009 09:17 )
 

O Aborto a Debate - Observatorio da Mariña pola Igualdade

Correo-e Imprimir PDF

O Observatorio da Mariña pola Igualdade organizou en Burela (Lugo) no xoves 25 de xuño a palestra ‘Falemos de...O Aborto a Debate!’ na que participaron a sexóloga e matrona Beni Martínez, a xurista e presidenta desta organización Luísa González, e as compañeiras da Marcha Mundial das Mulleres Lupe Ces e Mariola Mourelo.

As presentacións das diferentes relatoras deu pé a un moi interesante debate no que se reflexionou sobre as diferentes focaxes que se lle dá á interrupción voluntaria da gravidez desde os distintos sectores da sociedade. Salientouse a necesidade de dar unha resposta contundente desde o feminismo ás agresións e discursos integristas que se están a producir dunha forma continuada, así como de desdramatizar ao aborto, que nas maiorías dos casos constitúe mais un alivio para a muller do que un trauma insuperábel.

Tamén se discutiu sobre os diferentes posicionamentos do feminismo perante o proxecto de lei presentado polo goberno a mediados de Maio, e sobre a loita diaria que as mulleres temos que tomar para que os nosos dereitos sexuais e reprodutivos sexan respectados.

As compañeiras da Mariña continuarán con as charlas-café despois do verán.

Mais información en http://observatorioigualdade.blogaliza.org

 

Modificado o ( Martes, 30 Xuño 2009 14:08 )
 

Palestra 'Sen as mulleres non é democracia'

Correo-e Imprimir PDF

O pasado día 10 de xuño a Marcha Mundial das Mulleres na Galiza foi convidada a participar na palestra ‘Sen Mulleres non é Democracia: accións para cambiar o modelo económico’ organizada por ACSUR Galiza. A Palestra tivo lugar na Galería Sargadelos da Coruña e nela participaron alén da MMM representantes de ACSUR, de CCOO, do colectivo feminista Nomepisesofreghao e a feminista nicaraguana Eveling Carrazco.

Xulia Mirón da coordenadora comarcal da Coruña falou sobre a traxectoria da Marcha desde os seus inicios, da nosa perspectiva de reflexión-acción a nivel mundial e local, dos nosos documentos e das nosas propostas.

Os documentos chave da Marcha son o resultado dun profundo proceso de debate e reflexión entre mulleres dos 5 continentes e son a nosa referencia para desenvolver accións locais e internacionais. Son aprobados nos Encontros Internacionais que se celebran cada dous anos, téndose organizado o último na Galiza en Outubro do 2008. Estes documentos son elaborados partindo do mundo que nós queremos construír onde a Paz, a Xustiza social e a Democracia van prevalecer sobre a explotación e a opresión. Entre as nosas reivindicacións con respecto a muller e traballo, que foi o tema principal que se tratou nesta palestra, están:

  • A equidade e igualdade salarial tanto a nivel nacional como internacional.
  • A liberdade de sindicalización e asociación.
  • Condicións de seguridade e salubridade no traballo.
  • A anulación da débeda dos países en desenvolvemento, polo que isto significa para o conxunto da poboación e para as mulleres.
  • O levantamento dos bloqueos e embargos que sofren algúns países, de mans do imperialismo.

No 8 de marzo deste ano e baixo o título ‘As mulleres traballamos, as mulleres contamos. Non solucionaredes a crise a costa dos nosos dereitos’ a comarcal da Coruña organizou unha palestra sobre muller e traballo e unha acción de rúa na que participaron diferentes colectivos visibilizando as propostas das mulleres perante a crise.

Nestes últimos meses a comarcal da Coruña ten participado na manifestación por un convenio xusto para as traballadoras do Comercio e estivo a apoiar as reivindicacións das traballadoras de Caramelo.

Xulia concordou co resto das poñentes na importancia de facer accións xunto con outras organizacións para fortalecer redes e alianzas de defensa dos dereitos laborais, socias e políticos das mulleres.

Todos os documentos da MMM están accesíbeis na nosa páxina web

Modificado o ( Luns, 29 Xuño 2009 21:02 )
 

En apoio das Labregas

Correo-e Imprimir PDF

A Marcha Mundial das Mulleres na Galiza adire á tractorada virtual proposta pola Rede Anticapitalista galega para sumar así á tractorada deste mércores 17 convocada polo SLG baixo a demanda de prezos mínimos para o leite e a modificación das políticas agrarias.

Máis información sobre a tractorada na web do Sindicato Labrego Galego.

Máis información sobre a tractorada virtual na web da Rede Anticapitalista.

Modificado o ( Mércores, 17 Xuño 2009 10:22 )
 

Catro activistas da Marcha Mundial das Mulleres detidas en Turquía.

Correo-e Imprimir PDF

No medio dunha operación policial que se saldou coa detención de 35 sindicalistas do KESK - Confederación de Sindicatos de Empregados Públicos e EGITIAM-SEN - Sindicato do Ensino, catro activistas da Marcha Mundial das Mulleres vinculadas a estes sindicatos, viron como na mañá do día 28 foron asaltadas as súas vivendas e confiscados os seus ordenadores e documentación. Desde esse mesmo momento os seus representantes sindicais e advogados non puideron ter notícia nengunha sobre a súa situación.

Trátase de Yuksel Mutlu (Asociación de Dereitos Humanos - Human Rights Association); Songul Morsumbul, Secretaria de Mulleres da KESK - (Women's Secretary of the KESK - Confederation of Public Employees Trade Unions); Gulcin Isbert Secretaria de Mujeres de EGITIM-SEN  (Women's Secretary of the EGITIM-SEN) e Elif Akgul, anterior Secretaria de Mulleres de EGITIM-SEN

A Confederación Sindical Internacional leva denunciando reiteradamente a violación dos direitos sindicais en Turquia, e somos coñecedoras tamén, das dificultades que tiñan que superar as nosas compañeiras, para celebrar datas tan significativas como a do 8 de Marzo "Dia Internacional das Mulleres", data na que se enfrentan a proibicións gubernativas, represión policial das manifestacions e detencións.

A Marcha Mundial das Mulleres esixe a sua posta inmediata en liberdade xunto ao resto de sindicalistas, no que valora como un ataque directo ao traballo desenvolvido polas nossas activistas na defensa dos dereitos das mulleres, tanto dentro da súa actividade sindical como no movimento social opositor en Turquia.

A Coordenadora Nacional da Marcha Mundial das Mulleres na Galiza enviou ao presidente turco Abdurrahman Gul, unha comunicación onde se lle pide a inmediata liberdade das persoas detidas nesta operación contra o movimento sindical turco e contra as activistas da Marcha Mundial das Mulleres.

A continuación tedes un modelo de carta (individual e colectiva) pedindo a liberdade dos 35 sindicalistas e das nosas compañeiras, que podedes descargar e enviar ao número de fax do presidente turco: 0090 312 418 4183 para amosar a vosa solidariedade.

[ Descargar a carta individual ]
[ Descargar carta colectivos/organizacións ]

Tamén podedes enviar cartas as autoridades Turcas a través dos seguintes enderezos electrónicos:

Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo (atención ao cidadán)
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo (ministerio do interior)
ou a calquera dos parlamentarios Turcos do seguinte Listado de correos-e

Agradeceriamos tamén que vos fixerades eco da nova nas vosas webs ou enviarades aos vosos correos esta petición.

[ Máis información WMW ]

En solidariedade.
Coordenadora Nacional da Marcha Mundial das Mulleres.

 

,
Modificado o ( Venres, 05 Xuño 2009 17:17 )
 
Máis artigos...
Páxina 51 de 64

Participa!

unete.png

Opinión - Debate

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel



Quen está en liña?

Temos 68 convidados en liña