MarchaMundialdasMulleresnaGaliza

Disponibilizamos na nosa páxina web o video da Mobilización convocada pola Marcha Mundial das Mulheres na Galiza, para iniciar a IIIª Acçom Internacional que culminará o 17 de Outubro na República Democrática do Congo.

Este sábado 13 de março teve lugar o lançamento da III Acçom Internacional da Marcha Mundial das Mulheres em Compostela. De todas as comarcas da Galiza vinherom mulheres individuais e de diferentes organizações com as suas marchantas com as que quiserom visibilizar uma vez mais a luita pola liberdade e direitos de todas as mulheres em todo o mundo. Juntarom-se na estaçom de comboios de Compostela e desde ali iniciou-se uma marcha colorida e musicada até a Praça de Cervantes, onde esperava uma merenda popular e uma exposiçom sobre o 8 de março que viajará polas diferentes localidades desde agora até o 17 de outubro.

Maite, activista de Mulleres Cristiás Galegas foi a encarregada de apresentar o acto e introduzir ao público ali congregado sobre o significado que para nós, mulheres da Marcha, tem esta acçom 2010, com a que queremos reivindicar o protagonismo das mulheres nos diferentes âmbitos de acçom social e política e que estará especialmente dedicada ao fundamental papel das mulheres como agentes activas de paz naqueles lugares do mundo onde existe conflito armado.

Forom apresentadas 14 bonecas mui diversas em forma e em contidos e que desde diferentes perspectivas materializavam os sentimentos e desejos cara um mundo sem pobreza e sem violência polo que todas luitamos. Estas bonecas som parte duma acçom mundial na que mulheres de todas as regiões do mundo construirom bonecas similares que viajaram a Sud Kivu, na RD do Congo, e se uniram á marcha de mulheres dos cinco continentes que fechará a III Acçom Internacional no 17 de outubro.

O grupo "Churra e Merina Supervedettes" fecharom o acto com uma actuaçom que fez dançar, rir e pensar, e sobretudo desfrutar a todas as que ali estavamos. Ficou assim inaugurada a Acçom internacional da Marcha Mundial das Mulheres na Galiza.

Mulheres em marcha até  que todas sejamos livres!!!

Galería de fotos:

Podes ver todas as fotos nesta ligazón: Album III acción internacional 13-03-2010

Durante a II Conferencia Internacional das Mulleres Socialistas, celebrada en Copenhague, en agosto do ano 1910, Clara Zetkin conseguiu que se aprobase a Celebración do Día Internacional da Muller, data que se consolidou posteriormente no día 8 de marzo.

Durante estes cen anos, o 8 de marzo serviu para visibilizar as loitas e as demandas feministas, loitas pacíficas que significaron importantes avances na vida de millóns de mulleres, creando novas formas de pensamento e acción, propoñendo e construíndo un novo modelo de relacións sociais.

Mais, cen anos despois, as mulleres seguimos tendo que reivindicar o evidente.

No ano do centenario do 8 de marzo, as mulleres da Marcha Mundial das Mulleres dos cinco continentes, facemos un chamamento a "marchar" para demostrar a nosa perseveranza e a nosa forza colectiva, con distintas experiencias, culturas políticas e orixes étnicas, pero compartindo sempre un obxectivo común: o desexo de superar a inxusta orde actual que provoca a violencia e pobreza, e constituír o mundo que queremos baseado na paz, a xustiza, a liberdade, a igualdade e a solidariedade.

ACTOS DA MARCHA MUNDIAL DAS MULLERES na GALIZA

Ourense
Luns, 8 de Marzo
Obradoiro ás 17:30 hrs.
Praza Maior

A Coruña
Luns, 8 de Marzo
Festa de celebración do movemento feminista

de 12:00hrs ás 20:30hrs
Praza das Conchiñas

Vigo
Luns, 8 de Marzo
Manifestación ás 20:00 hrs.
Desde a Praza de Portugal

Compostela
Luns, 8 de Marzo
Manifestación ás 20:30 hrs.
Desde a Praza do Toural

Ferrolterra
Luns, 8 de Marzo

Concentración ás 20:00 hrs.
Cantón de Molíns (Ferrol)

Pontevedra
Luns, 8 de Marzo
Concentración ás 20:30 hrs.
Praza 8 de Marzo

[ Descarga aquí o MANIFESTO 8Marzo ]

[ Chamado a acción de Quebeque aos gobernos e organizacións reunidas en Montreal ante a situación en Haití ]