MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Marcha Mundial das Mulleres :: Feminismo :: Galiza

Novo asasinato machista na Galiza

Correo-e Imprimir PDF

Hoxe tivemos noticia dun novo asasinato machista na Galiza e con este son xa 5 as mulleres asasinadas en 4 meses no noso país. A reacción do movemento feminista non se fai agardar e hai convocatorias de concentración de repulsa e resposta convocadas para este venres 2 de maio ás 20h:

 

  • VIGO, venres 2 ás 20h no MARCO (Marcha Mundial das Mulleres)
  • FERROLTERRA, venres ás 20h na Praza do Concello (Marcha Mundial das Mulleres)
  • OURENSE, venres ás 20h na Subdelegación do Goberno (Marcha Mundial das Mulleres)
  • COMPOSTELA, venres ás 20h na Praza 8 de Marzo, Porta do Camiño (Movemento feminista de Compostela
  • A CORUÑA, venres ás 20h no Obelisco (Movemento feminista de A Coruña)

 

O movemento feminista galego convoca novamente mobilizacións contra os asasinatos machistas, cómpre visibilizar a violencia que se esta a exercer contra as mulleres ante a pasividade das autoridades e dunha sociedade incapaz de reaccionar ante unha realidade cada día máis terríbel.

feminicidio.jpg

As mulleres esiximos o noso dereito a vivir sen violencia e a que a sociedade garanta ese dereito. Este venres tod@s á rúa contra a violencia machista!

Modificado o ( Mércores, 30 Abril 2014 14:17 )
 

Concentración en Ourense contra o asasinato de Maria Elena Rodriguez Quiroga

Correo-e Imprimir PDF

Para moitos somos números, somos para eles no día a día dunha vida que vai depresa pouco máis que números... somos un 34 sobre un 2014... un problema que encontra acubillo un día nunha sección de sucesos, unha mera información puntual que nen sempre se dá completa... moitas non temos nome, outras non se sabe onde pasamos o último día das nosas vidas, de algunhas ninguén conta cómo nos arrancaron a vida, de outras apenas o desgarrador momento en que pasamos a facer parte dese número...

Mas somos mulleres, somos mulleres e asasinannos polo mero feito de selo, porque todas as violencias que se exercen contra nós cada día acumulanse de tal xeito que chega un momento en que resulta extrema, un momento en que o único xeito de control é aplicar a peor, a máis intensa, a definitiva: o asasinato.

Non somos casos aillados, somos víctimas dunha estructura social na que as múltiples violencias que sufrimos atopan cada día aliados e cohartadas que as convirten en invisíbeis. Alianzas que as xustifican, situacións nas que se minimizan e cohartas que as desculpan.

Non somos casos aillados, somos víctimas dunha estructura social na que as relacións non se dan entre iguais senón a través de xerarquías, de posicións desiguais nas que polo mero feito de ser mulleres estamos situadas do lado de quen sufre a violencia, de quen a padece e de a quen finalmente segan a vida no acto de maior brutalidade machista que é o asasinato.

Non somos casos aillados, somos víctimas dunha estructura social na se pretende controlar a nosa forma de vivir, os nosos corpos, os nosos desexos, as nosas relacións... as nosas vidas.

Non somos casos aillados, somos víctimas dunha estructura social que non reacciona, que non reacciona ante 34 asasinatos en 4 meses, que non é capaz de mirarse ao espello e ver que mentres se dé menos valor ao traballo que realizamos, se nos negue a identidade e a liberdade para vivirmos como queremos, se nos eduque diferente en función do noso xénero, se nos asigne un papel social determinado en función do noso xénero ou se constrúan as relacións afectivas dende o poder do masculino sobre o femenino non acabarán os asasinatos machistas.

Somos Nuria, Adela, María, Patricia, Silvia, Aránzazu, Mercedes, Ana, Eugenia, Josefa. Fátima, Marisa e fumos degoladas, estranguladas, asasinadas dun disparo, dun golpe na cabeza, calcinadas, acoiteladas... Somos MARÍA ELENA RODRIGUEZ QUIROGA, veciña de Foz (Lugo) á que amordazaron, taparon a cabeza e dispararon este 24 de abril de 2014, foi o seu home, foi unha estructura social que durante toda a súa vida exerceu todo tipo de violencias contra ella... Somos todas as mulleres ás que cada día discriminan, desvalorizan, presionan, agreden, abusan e asasinan... non permitas que sexamos tamén silenciadas.

Ourense, 28 de abril de 2014

 

María Elena Rodríguez Quiroga asasinada en Foz

Correo-e Imprimir PDF

Dende a Coordenadora Galega da Marcha Mundial das Mulleres na Galiza queremos manifestar o noso apoio á familia de María Elena Rodríguez Quiroga asasinada en Foz este 24 de abril xunto coa nosa repulsa a un novo asasinato machista que volve situar a extrema violencia que pode chegar a exercerse contra as mulleres chegando neste caso á peor das consecuencias posíbeis, o asasinato.

Chamamos a toda a cidadanía a mobilizarse os 365 días do ano contra a violencia machista, a construírmos unha sociedade sen discriminación e sen ningún tipo de violencia que impida que as mulleres sigan a ser asasinadas polo feito de ser mulleres. Expresamos ademáis o noso apoio a todas as convocatorias que se realicen estes días para denunciar este novo asasinato e das que iremos informando cando se teña a información:

Convocatorias contra o ASASINATO MACHISTA de María Elena Rodríguez Quiroga, de Foz:

 

  • Vigo - sábado 26 ás 19.00h no MARCO (Marcha Mundial das Mulleres)
  • Ferrolterra - sábado 26 ás 20.00h na praza do Concello (Marcha Mundial das Mulleres)
  • A Coruña - luns 28 ás 20h no Obelisco (Movemento feminista d'A Coruña)
  • Compostela - luns 28 ás 20h Praza 8 marzo, Porta do Camiño (Movemento feminista de Compostela)
  • Ourense - luns 28 ás 20h diante da Subdelegación do Goberno, Parque San Lázaro (Marcha Mundial das Mulleres)
  • Foz - luns 28  ás 20h na Praza do Concello de Foz (Observatorio da Mariña pola Igualdade)

 

Casos de asasinatos machistas no estado español no 2014 https://mapsengine.google.com/map/viewer?mid=zBFmINFBUaQU.kaovIsFziOyo

 

Modificado o ( Venres, 25 Abril 2014 14:25 )
 

'As mulleres deciden'/'As mulleres decidimos' campaña na rede en defensa do dereito ao aborto

Correo-e Imprimir PDF
Campaña pola defensa do aborto libre tamén nas redes sociais.

Dende a coordenadora galega da Marcha Mundial das Mulleres queremos lanzarvos a proposta de incluír en todas as vosas comunicacións virtuais a defensa do dereito das mulleres a decidir sobre o noso corpo a través da 'sinatura'.
Coloca na sinatura do teu email persoal ou no da túa organización 'As mulleres deciden'/'As mulleres decidimos' segundo corresponda e espalla a través das túas comunicacións habituais a mensaxe de defensa do dereito ao aborto libre!
Nas rúas e nas redes tod@s en defensa do dereito das mulleres a decidir sobre os nosos corpos!

Como facelo en algúns dos proveedores/servizos de email
Gmail: Configuracións >> Xeral >> Sinatura
Hotmail: Ferramentas >> Opcións >> Sinatura
Yahoo: Opcións >> Máis opcións >> Sinatura
Thunderbird: Ferramentas >> Configuración de contas >> Adxuntar esta sinatura
 

Nós Mesmas: contra a lei de (in)visibilidade LGTBI

Correo-e Imprimir PDF

PRESENTACIÓN, PROCESADO PARLAMENTARIO E RESULTADO:

Hai meses, o PSdG presentou no Parlamento de Galicia unha “Proposición de Lei pola visibilización e non discriminación das persoas LGTB en Galicia. Esta lei foi debatida e emendada polos diferentes Grupos Parlamentarios, incluído o Grupo Parlamentario do Partido Popular, con maioría no Parlamento.

Tras a creba parlamentaria á que se someteu esta proposta, na que o PP colaborou con emendas de SUPRESIÓN na súa maioría, o resultado é unha LEI BALEIRADA DE CONTIDOS cun nome que induce a engano que se converterá nun documento propagandístico para o PP. A modificación parlamentaria transforma o proxecto inicial que avanzaba na protección e garantías non discriminatorias para o colectivo e que foi feito desde o diálogo coas asociacións LGTBI nunha lei “cortina” que non implica ningún avance real nos dereitos das persoas LGTBI. Unha lei esperada e esixida polos colectivos LTGBI moi específica nun principio déixanos, tras as emendas aprobadas, un horizonte carente garantías, de protección, de medidas específicas para visibilizar a diversidade afectivo-sexual, etc.

Pode resultar rechamante que hoxe non apoiemos esta proposta de lei, pero queremos denunciar que este articulado É UNHA FARSA, un completo engano no que nos quere meter o PP co seu dobre xogo: votando a favor dunha lei aparentemente igualitaria á que previamente privaron de calquera efectividade real/práctica introducindo modificacións como as seguintes:

  • Suprímese o art. 3 de definición das categorías que son obxecto da proposta de lei (orientación sexual, identidade de xénero, sexo, xénero, lesbiana…).

  • Elimínase o art. 6 sobre inversión da carga da proba, que obriga a quen discrimina a probar que non discrimina.

  • Desaparece o art. 14 de creación de protocolos de actuación ante agresións.

  • Óbviase o Título III sobre o réxime sancionador, con esta eliminación aínda que se dean agresións ou actitudes LGTBIfóbicas non serán sancionadas.

  • Elimínase o art. 11 no que se establecen medidas específicas para o tratamento nos Centros Penitenciarios, fundamentais no tratamento das persoas transexuais.

  • Evítanse referencias explícitas a articular pola igualdade de diversidade afectivo-sexual ou LGTBI, diluíndose a especificidade LGTBI no ámbito da igualdade xeral e invisibilizando ao colectivo dentro da súa propia lei.

  • Omítese deliberadamente calquera tipo de compromiso que obrigue á Xunta de Galicia a establecer medidas concretas como a creación de servizos de información, a creación dun observatorio, realización de protocolos, etc, quedando todo o articulado nunha simple e non comprometedora declaracións de intencións e recomendacións pola igualdade.

En pleno século XXI, en Galicia as persoas LGTBI son vítimas de discriminación, crimes de odio, de invisbilización sistemática en educación, sanidade, emprego ou nas diferentes administracións públicas (policía, rexistro civíl, centros penitenciarios...) acentuándose isto en contornos rurais.

As obrigas legais que os Estados teñen para protexer as persoas LGTBI fronte a estas situacións, non son diferentes das que poidan ter outros colectivos. Débese garantir o cumprimento dos Dereitos Humanos para todas as persoas procurándolles protección nos casos de discriminación, abuso ou violencia. Para chegar a este cumprimento ten que haber leis concretas para colectivos específicos, debe existir unha lei de visibilidade e non discriminación que aborde as necesidades dun colectivo como é o LGTBI, ata o de agora desprotexido.

Organismos, asociacións e activistas pola defensa dos Dereitos das persoas LGTBI:


Queremos DENUNCIAR PÚBLICAMENTE a violencia institucional á que as persoas LGTBI nos vemos sometidas co que agora se chama “Proposición de Lei pola Igualdade de Trato e Non Discriminación de lesbianas, gays, transexuais e bisexuais en Galicia”. Unha proposta de lei cun nome enganoso que invisibiliza e desprotexe os dereitos do colectivo LGTBI con unhas falsas medidas políticas, lexislativas ou xudiciais, que pretenden empregar os partidos políticos como moeda de cambio para captar votos e “abandeirarse” na loita pola igualdadeaprobando unha proposta BALEIRA DE CONTIDOS que deixaría as persoas LGTBI nun limbo legal cunha lexislación que nada lexisla.

ESIXIMOS a implicación de toda a sociedade, e en especial dos partidos políticos galegos, cun COMPROMISO REAL E EFECTIVO COS VALORES DE IGUALDADE E NON DISCRIMINACIÓN ante a aprobación desta FALSA LEXISLACIÓN POLA VISIBILIDADE E NON DISCRIMINACIÓN LGTBI recordándolles que votar a favor da súa aprobación é contribuír a pexar o AVANCE REAL EN MATERIA DOS NOSOS DEREITOS. INSTAMOSa que os partidos políticos da oposición NON SEXAN CÓMPLICES DESTA PANTOMIMA.

POR TODO O EXPOSTO ATA O MOMENTO,

 

AS ORGANIZACIÓNS E PERSOAS ABAIXO FIRMANTES consideramos imprescindible mostrar a nosa unión e posicionamento en contra da manipulación á que o colectivo LGTBI se ve sometido coa aprobación desta proposta de lei por parte do Goberno e dos partidos políticos que pretendan apoiala.

ESIXIMOS un compromiso real ante a loita contra a LGTBIfobia e pola igualdade social que se traduza en medidas lexislativas, políticas e administrativas con repercusións REAIS na sociedade.

REIVINDICAMOS o dereito de sermos escoitadas e escoitados e tidos en conta á hora de lexislar CO pobo e non só PARA o pobo.

E EXHORTAMOS aos grupos da oposición do Parlamento de Galicia, que NON VOTEN a favor desta “proposta de lei pantasma” da que o Partido Popular se apropiou e transformou en mero papel mollado.

Só o Partido Popular podería invisibilizar cunha lei de visibilidade.”

http://leidevisibilidade.blogspot.com.es/

Modificado o ( Sábado, 05 Abril 2014 14:50 )
 

Esximos a retirada do anteproxecto de Lei para a protección do concebido e a muller embarazada

Correo-e Imprimir PDF

MANIFESTO DAS COORDINADORAS NACIONAIS DA MARCHA MUNDIAL DAS MULLERES DE CATALUNYA, EUSKADI-EUSKAL-HERRIA  E GALIZA CONTRA  O PROXECTO DE LEI DE GALLARDÓN

“O NOSO CORPO, O NOSO TERRITORIO”

No mes de decembro o Consello de Ministros do Estado Español aprobou o proxecto de reforma da lei do aborto presentado polo ministro de Xustiza, Alberto Ruiz Gallardón, que leva por título: “Lei orgánica de protección da vida do concibido e dos dereitos da muller embarazada”.  Con esta reforma o partido popular cede as presións da xerarquía católica e os grupos ultra conservadores, integristas e fundamentalistas que pretenden frear os cambios das mulleres para que non salgamos do perfil maternidade-domesticidade. Coidadoras ao servizo dos demais, sen recoñecer ás mulleres como suxeitas de dereitos.

A  norma, que pretende derrogar a vixente “Lei de saúde sexual e reprodutiva e da interrupción voluntaria do embarazo” non só eliminaría -no caso de ser aprobada- o sistema actual de prazos, no que durante as primeiras 14 semanas de embarazo a muller pode abortar sen ten que alegar ningún motivo, senón que ademais restrinxiríanse  os supostos para poder abortar legalmente. So habería dous: violación e grave perigo para a vida ou a saúde física ou psíquica da muller. Serían os médicos ou médicas -con requisitos máis estritos que en 1985 e un procedemento máis longo- quen decidiría se ese perigo existe. A  presenza de malformacións fetais non é, segundo este anteproxecto, un dos supostos para poder abortar, aínda que si o sería o efecto psicolóxico que isto teña na embarazada.

Consideramos que esta Lei suporía:

  • unha vulneración dos dereitos das mulleres e un retroceso de máis de 30 anos na  loita polo dereito das mulleres a decidiren sobre a súa maternidade, sen intromisións.
  • Un recorte nas liberdades das mulleres e unha perda de dereitos que pode propiciar que algunhas mulleres expoñan a súa propia vida.
  • Un perigo para a saúde e para todos os dereitos humanos das mulleres desde argumentos baseados en morais particulares e en interpretacións relixiosas fundamentalistas e integristas.
  • Unha inxerencia ilexítima da moral particular dalgúns grupos nas políticas públicas e nas leis, que son responsabilidade e obrigatoriedade dos estados.
  • Unha alianza estado/igrexa que viola o principio de laicidade dos estados, vulnerando os dereitos humanos, afianzando prácticas discriminatorias e inxustas, materializando a violación da dignidade humana e da conciencia individual.

que se concretaría en:

  • Aumento de abortos clandestinos e de risco. Porque nos sumariamos á lista de países onde o aborto está restrinxido ou penalizado pola lexislación, e onde se producen a gran maioría dos abortos clandestinos, obrigando especialmente a mulleres con poucos recursos e/ou mozas a interromper o embarazo de forma pouco segura.
  • unha volta á minoría de idade das mulleres que necesitarían de varios informes psiquiátricos para poder abortar;
  • unha discriminación para as mulleres con poucos recursos - económicos ou de información-, xa que unhas poderían abortar no estranxeiro e outras terían que facelo na precariedade, poñendo en risco a súa saúde;
  • unha prolongación do sufrimento das mulleres que queiran abortar que se verían obrigadas a buscar informes médicos que “avalen” e permitan a súa decisión de abortar;
  • a  inseguridade xurídica das persoas que teñan que “informar” sobre a saúde psíquica da muller que quere abortar e de todas aquelas que poidan ser xulgadas pola realización de abortos;
  • a  vulneración do dereito a intimidade, xa que a decisión das mulleres pode ser obxecto de cuestionamento e investigación.

En definitiva  que a liberdade das mulleres para decidir sobre o seu propio corpo e a súa vida se vexan limitadas polo mesmo goberno español que está a promover uns recortes que fan que as nosas vidas se precaricen ata extremos que non podiamos nin sospeitar.

Por todas estas razóns as mulleres da MARCHA MUNDIAL DAS MULLERES DE CATALUNYA, EUSKADI-EUSKAL HERRIA  E GALIZA

ESIXIMOS:

  • Que se recoñeza o dereito fundamental das mulleres a tomar as súas propias decisións
  • Que se garanta a soberanía das mulleres sobre o seu propio corpo e a súa vida.
  • A cobertura da interrupción voluntaria do embarazo na rede hospitalaria e extra hospitalaria pública de xeito que se garanta o carácter universal deste dereito e se normalice como prestación sanitaria, sen que exista ningunha discriminación xeográfica no acceso de todas as mulleres a este dereito nos servizos públicos.
  • A  regulación da obxección de conciencia que precise os seus límites, garantindo que todos os centros públicas dispoñan das equipas profesionais necesarias para atender a demanda de aborto das mulleres.
  • Que os dereitos das mulleres usuarias destes servizos sexan respectados e protexidos en todo momento.
  • Que se adopten as políticas e medidas integrais necesarias en saúde sexual e reprodutiva baseadas no recoñecemento dos dereitos sexuais e reprodutivos.
  • Que se  inclúa a educación afectiva emocional e sexual con perspectiva de xénero no curriculum escolar.

Lembrámoslle ao goberno español que ten a obriga de garantir o pluralismo, a liberdade de conciencia, o dereito a saúde reprodutiva e sexual e o dereito a decidir. Neste sentido os argumentos relixiosos non poden converterse en políticas públicas, nin moito menos leis que que vaian en contra dos dereitos humanos de todas as mulleres.

FACEMOS UN CHAMAMENTO A MOBILIZACIÓN:

  • Súmate ás concentracións, difunde as convocatorias, fala coas túas compañeiras, amigas,veciñas…; asina os manifestos, ofrece a túa colaboración aos grupos que emprendan accións para oporse a esta lei.

  • Esixe: ás túas e aos teus representantes políticos que dean a cara, se opoñan á nova Lei, defendan os teus dereitos, loiten por garantir a liberdade das mulleres para decidir.

 

Modificado o ( Luns, 17 Marzo 2014 09:50 )
 
Máis artigos...
Páxina 20 de 64

Participa!

unete.png

Opinión - Debate

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel



Quen está en liña?

Temos 57 convidados en liña