MarchaMundialdasMulleresnaGaliza

Cambiar o mundo para cambiar a vida das mulleres, cambiar a vida das mulleres para cambiar o mundo

Marcha Mundial das Mulleres :: Feminismo :: Galiza

DECLARACIÓN DA MMM SOBRE A VIOLENCIA EXERCIDA ATRAVERSO DAS CRIANZAS

Correo-e Imprimir PDF
A Marcha Mundial das Mulleres na Galiza queremos amosar a nosa indignación ante o contido da nova publicada o pasado xoves 16 de outubro nos medios de comunicación, referida á petición por parte da fiscalía, a unha condena de 10 meses de prisión a unha muller nai de dous fillos, así como ao internamento dos nenos nun centro de menores por non facilitar as visitas ao seu pai ao que ela tiña acusado de pederastia.
Acusación de pederastia da que no seu momento saíu absolto, xa que o informe achegado polos técnicos do IMELGA (Instituto de Medicina Legal de Galicia) , concluíu no seu informe que estes estaban influenciados pola súa nai a quen consideraban desequilibrada.
Denunciamos a pouca ou nula especialización no trato a nenos e nenas, a non esixencia de formación en violencia contra as mulleres dos técnicos do IMELGA, requisito, para nos imprescindible, se esta sociedade quere prestar a protección e atención precisa a crianzas e mulleres.
Denunciamos que na inmensa maioría destes casos e salvo que haxa unhas probas moi evidentes (desgarros, hematomas, etc), todas as institucións implicadas: técnicos, xuíces, fiscais, tenden a culpabilizar a priori ás mulleres.
É isto violencia contra as mulleres?? Rotundamente si.
Definitivamente casos coma este constitúen violencia contra as mulleres exercida a traverso dos fillos e fillas. Non é a primeira vez que atopamos casos de homes que ameazan, e o peor se cabe, cumpren a ameaza de facer dano aos seus propios fillos para ferir á muller. Temos visto, por desgraza, demasiados casos. Isto evidencia, unha vez máis, que seguemos a vivir e soportar un sistema patriarcal que tende unha e outra vez a culpabilizar á muller, a supor que minte sistematicamente, a esixirlle probas máis alá do razoable.
É violencia machista por parte do sistema obrigar a unha muller convencida do dano que van a sufrir os seus fillos ou fillas por parte do seu pai e ter que deixalos ir con el.
É violencia machista exercida polo sistema ameazala de que se non obedece será duramente castigada con penas de prisión ou o que é peor co alonxamento e internamento das súas crianzas para “reeducación”.
Non en van o Comité de Nacións Unidas para a Eliminación da Discriminación contra a Muller (CEDAW), condenou ao Estado español por non actuar de forma dilixente para evitar a violación dos dereitos de Ángela González, muller vítima de violencia de xénero, e os da súa filla, a quen acabou asasinando.
É por todo isto que esiximos do Goberno, da Administración de Xustiza e de todas as Administracións un cambio nas actuacións e atención de crianzas e mulleres para que dende as Institucións se deixe de exercer violencia contra nós.
 

Declaração de solidariedade da Marcha Mundial das Mulheres da Europa com as mulheres curdas em luta

Correo-e Imprimir PDF

Nós, 60 mulheres de 18 países europeus, reunidas em Donostia, País Basco, no encontro da Coordenação Européia da Marcha Mundial das Mulheres, saudamos a resistência das mulheres curdas de Kobane (Rojava) - na fronteira entre a Turquia e a Síria, onde se desenvolvem entre curdos, sírios, armênios, árabes, yezidies e tchechenos alternativas concretas ao capitalismo, ao colonialismo e ao sistema patriarcal, baseadas na coexistência pacífica entre diferentes religiões e na liderança partilhada democraticamente a todos os níveis. Este modelo alternativo é defendido pela valente resistência do YPG (Unidade de Proteção Popular) e YPJ (integrada pelas mulheres).

Condenamos a violação dos direitos das mulheres e dos direitos humanos fundamentais, assim como todos os tipos de fundamentalismo religioso, étnico e político. Denunciamos o aumento das alianças com os sectores ultra conservadores, incluindo o fundamentalismo religioso, como uma estratégia para reforçar o modelo capitalista e patriarcal como 'solução' para a crise.

Continuamos com a nossa luta nas regiões em conflito para acabar com a violação e a escravidão de mulheres como arma de guerra e para construir um outro mundo onde sejam excluídas todas as formas de dominação, exploração e exclusão de uma pessoa sobre outra, de um grupo sobre outro, de uma maioria sobre uma minoria, de uma nação sobre outra.

Frente aos recentes ataques contra as alternativas e direitos das mulheres, decidimos lançar a nossa 4a Acção Internacional no Curdistão, no dia 8 de março de 2015, com o objectivo de apoiar as mulheres curdas na sua luta pela autonomia e auto-determinação sobre os seus corpos e territórios. Convocamos todas as mulheres do mundo a participar e apoiar a Caravana Feminista Européia para reforçar e tornar visível a resistência e as alternativas desenvolvidas pelas mulheres.

Seguiremos em marcha até que todas sejamos livres!

Donostia, País Basco, 12 de outubro de 2014.

 

Modificado o ( Mércores, 15 Outubro 2014 16:28 )
 

#FóraMachismo25N

Correo-e Imprimir PDF

#FóraMachismo25N

Que propoñemos?

Queremos que a nosa mensaxe do 25 de novembro, Día internacional contra a violencia machista, se escoite nas rúas e nas redes e para iso lanzamos unha campaña que queremos axudedes a espallar.

A idea é gravar un video/tirar unha foto decindo ou ensinando unha frase contra a violencia machista e colocar ese material nas redes sociais 'nominando' a coñecidas/amigas/colegas para que se sumen á campaña e fagan o mesmo, colocar a foto ou video nas redes sociais e espallar a máis e máis xente.

O noso obxetivo é que moitas e moitos demos a cara contra a violencia machista e achegar a nosa mensaxe a todo tipo de persoas, a aquelas que se sumarán ás mobilizacións do 25 N nas diferentes cidades e a aquelas que non o farán pero que estan dispostas a difundir e espallar a nosa mensaxe a través das redes sociais.

Como participar?

  • Sube unha foto nas túas redes sociais (Twitter, Facebook ou Instagram) na que apareza a frase que queiras e a etiqueta #FóraMachismo25N e nomina a outras persoas para que tamén o fagan e estendan a campaña.
  • Sube un video ás túas redes sociais (Twitter, Facebook ou Instagram) na que digas a frase que queiras e a etiqueta #FóraMachismo25N e nomina a outras persoas para que tamén o fagan e estendan a campaña.
  • Envíanos ás túas fotos e/ou videos se queres que ademáis de nas túas redes sociais formen parte da nosa campaña nas redes: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

 

Como podo ver/seguir a campaña?

  • Os videos que realicemos dende a Marcha aparecerán aquí: http://www.youtube.com/user/mmmgaliza
  • As fotos e videos de quen siga a campaña poderás atopalas buscando coa etiqueta #FóraMachismo25N nas redes sociais

 

Anímante e participa!

Modificado o ( Martes, 17 Marzo 2015 15:41 )
 

Carta aberta a Stephen Harper

Correo-e Imprimir PDF

Honorable Primeiro Ministro de Canadá,

A violencia hacia as mulleres e nenas indíxenas é unha violación grave aos dereitos humanos. Os actos de violencia dos que as mulleres indíxenas son víctimas están anclados na discriminación e na marxinalización sistemática provintes da colonización, nos que interveñen a policía, os medios de comunicación, a educación e a xustiza.

O goberno canadiano debe constituir unha comisión para levar a cabo unha investigación pública independente e debe traballar na concertación coas diferentes nacións indíxenas para construír un plan de acción nacional.

Nós, as Mulleres da Marcha Mundial das Mulleres de Galiza, solidarizámonos co chamado internacional feito polas Mulleres Indíxenas do Québec (FAQ) e a Coordinación do Québec da Marcha Mundial de Mulleres. É preciso que os factores sistémicos que favorecen a desaparición e o asasinato de mulleres indíxenas, sexan correctamente identificados e que os individuos, procesos e políticas responsables do mantemento do estatus quo – e dos danos subsecuentes para as mulleres e as nenas indíxenas – sexan desmantelados. As recomendacións e MEDIDAS de cambio son necesarias para mellorar a seguridade das mulleres e das nenas indíxenas de todos os sectores de Canadá.

Unha enquisa pública nacional exhaustiva sobre a violencia hacia as mulleres e nenas indíxenas de Canadá procuraría a certeza aos pobos indíxenas que todas as esferas do goberno recoñecen a gravidade do problema e se comprometen a acabar con este ciclo de violencia. Unha investigación permitiría igualmente sensibilizar aínda máis á poboación sobre esta crisis de violación dos dereitos das persoas en Canadá, a cal moitos e moitas canadenses ignoran. A inclusión de familias indíxenas nos procesos de planificación, de implementación e de post-informe da enquisa pública nacional é primordial para o éxito desta actividade e asegura que as voces das familias sexan escoitadas. É esencial igualmente que a enquisa permita ter en conta ás asociacións de mulleres indíxenas, posto que moitas delas dispoñen de datos e informacións que recolleron no transcurso dos últimos anos.

Respetuosamente,

Solidariedade feminista,

Coordinación Nacional da Marcha Mundial de Mulleres de Galiza Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo www.feminismo.info
 

Reunión do secretariado europeo da Marcha Mundial das Mulleres

Correo-e Imprimir PDF

Este fin de semana terá lugar en Donosti a reunión da Coordenadora Europea da Marcha Mundial das Mulleres que terá como tema central a preparación do IV Acción Internacional que decorrerá no 2015 nos cinco continentes.

O proceso de debate e preparación da IV Acción Internacional deu comezo en agosto de 2013 no Encontro Internacional de Sâo Paulo e continúa o seu percorrido co encontro da coordenación europea onde se trazarán as liñas estratéxicas e o calendario da acción que percorrerá europa dende o 8 de marzo ata o 17 de outubro de 2015.

Unha delegación da coordenadora nacional galega da Marcha Mundial das Mulleres estará este fin de semana en Donosti para participar no debate e organización da IV acción xunto con feministas de máis de 10 países que coordenarán a acción a nivel europeo.

Modificado o ( Xoves, 09 Outubro 2014 12:01 )
 

Denuncia dun artigo machista no xornal La Region

Correo-e Imprimir PDF

As mulleres estamos fartas de que nos agredan, esiximos de Pepe Ruiéperez e La región unha disculpa

Hoxe o xornal La Region publica unha columna de opinión dun señor chamado Pepe Ruipérez no que este se permite o luxo de facer unha 'quiniela' sobre as mulleres. Este xornal, que xa en outras ocasións ten demostrado pouco ou nulo tacto con cuestións sobre os estereotipos sexistas volta permitir que nas súas páxinas as mulleres aparezamos como meros obxetos, convertidas en 'cousas', ao servizo e á atención masculina.

No seu infame artigo o señor Ruipérez xoga coa metáfora das quinielas para confrontar o que él entende como diferentes tipos de mulleres para indicarnos o seus gustos persoais en relación a estes estereotipos, e non se limita aos tópicos habituais do loiras-morenas senón que engade cuestións como a feminidade, o aspecto físico, os estados de ánimo, o cánon de beleza social ou a condición social en relación ás parellas.

As mulleres estamos fartas de que a sociedade patriarcal nos agreda, de que infunda sobre nós unha competencia baseada en cumprir os criterios que esa sociedade considera que debemos cumplir para ser do seu agrado. As mulleres sentimos e somos en cada momento do xeito e maneira que nos apetece, non pertencemos a ningunha categoría heterosexista definida pola cultura dominante e negámonos a que se nos convirta en obxetos e se nos poña a competir.

Artigos como o do señor Pepe Ruipérez só contribúe a seguir creando un imaxinario social no que as mulleres seguimos encorsetadas nas etiquetas que nos poñen, no que somos sometidas ao escrutinio social en relación á nosa forma de estar e ser no mundo para avaliar se agradamos ou non o suficiente aos homes. E nós, mulleres libres e decididas a mudar o mundo negámonos a ser cómplices desa imaxinario e desa sociedade que normaliza que un señor escriba nun xornal as súas preferencias entre liberales e casadeiras, entre agraciadas e desfavorecidas ou entre varoniles e femeninas.

Reclamamos o noso dereito a ser todo o que desexemos ser e non estar baixo as lupas do patriarcado, disposto sempre a clasificarnos como os obxetos que pretende que sexamos. Reclamamos que rematen as agresións machistas, tamén as que en forma de artigos e publicacións nos degradan e desprecian.

Reclamamos todos os corpos, todas as actitudes e todas os estados de ánimo como propios, que todas somos, independentemente da forma dos nosos corpos, únicas, fortes e lindas, que temos dereito a vestirnos -ou espirnos- como nos veña en gana e que non imos consetir que ningún home nen ningún meio veña a facer 'quinielas' nen apreciacións sobre as nosas vidas nen sobre a de ninguén.

 

Esiximos respeito, e unha disculpa pública do articulista e o meio que o publicou.
Seguiremos en marcha ata que todas sexamos libres, e ata acabar coas actitudes machistas e os seus cómplices.

 

artigo_machista_la_region.jpg

 
Máis artigos...
Páxina 19 de 66

Participa!

unete.png

Opinión - Debate

A Viñeta

A MMM en Twitter

Perfil no Facebook de Marcha Mundial Mulleres Galiza

Enlaces Web











Banner Apoio:



Coloca un na túa páxina web !

Campañas:

cartazrumboagaza.jpg

4accion.png

fotocool_web.png

pgda.jpg

Cartel
Cartel

Publicacións:

tribunal_acusacion.jpg marchabrazil.jpg novasfeministas.jpglibroaiiiaccioninternacional.png portada_aborto.jpg24maio.png

Descargas:

Organizacións que integran a MMM:

NACIONAL
ADEGA [ir]
Andaina, Revista Galega de Pensamento Feminista [ir]
Anova [ir]
BNG - Comisión de Mulleres [ir]
Cerna [ir]
CC.OO - Secretaría da Muller [ir]
Esquerda Unida - Área da Muller [ir]
Forum Galego de Política Feminista [ir]
Galiza Nova - Asemblea de Mulleres [ir]
MÁMOA, Asociación Galega Pro Lactancia Materna
Mulleres Cristiás Galegas
Sindicato Labrego Galego - Secretaría das Mulleres [ir]
STEG - Asemblea de Mulleres [ir]
Xuventude Comunista [ir]
VIGO
AREA LOURA – Mulleres do Val Miñor
Asociación multicultural de mulleres [ir]
Colectivo Violeta
Dorna
Federación Veciñal Eduardo Chao - Vocalía da Muller [ir]
FIGA (Feministas independentes Galegas) [ir]
Mulleres Progresistas de Vigo [ir]
Nós Mesmas [ir]
Rede de Mulleres Veciñais Contra os Malos Tratos [ir]
FERROL
Fuco Buxán [ir]
Lefre de Caldereta [ir]
USTG - Departamento da Muller [ir]
PONTEVEDRA
Asemblea de Mulleres de Pontevedra
COMPOSTELA
LIBERANZA, Asociación de Promoción da Muller
COSTA DA MORTE
Buserana
A MARIÑA
Observatorio da Mariña pola igualdade [ir]

Organizacións que colaboran coa MMM:

Mulleres Nacionalistas Galegas [ir]

Usa software libre

Cartel



Quen está en liña?

Temos 102 convidados en liña