|
1ª BANDEIRA
FEMININA DE TRAIÑAS [Pequena crónica e album fotográfico] Foron nove os clubes que se disputaron a 1ª BANDEIRA FEMININA DE TRAIÑAS, MARCHA MUNDIAL DAS MULLERES. Esta alta participación demostra o interese destas xovens remeiras por conseguir o recoñecimento e respeito que se merecen dentro deste deporte que as discrimina. Desde o Clube de Remo Chapela de Redondela, a Coordenadora Galega da Marcha Mundial das Mulleres recebiu un chamado urxente, pois mais umha vez, o campionato de traiñas, nom contaba com categoría feminina. Esta categoría non está recoñecida oficialmente e os xuizes negan-se a arbitrar unha competición que non ten "bandeira", como asínse chama o trofeu neste desporto. A Marcha Mundial das Mulleres conseguiu o apoio do Servizo Galego de Ingualdade e da Concellalia da Muller de Redondela e convertida en patrocinadora, organizou toda unha festa reivindicativa. A clasificaçom por clubes foi a seguinte: 1ª Perillo 2ª Chapela 3ª Bueu 4ª Mecos 5ª Vila de Cangas 6ª Cabana 7ª Amegrobe 8ª Vila Xoan 9ª Coruxo Antes da entrega dos trofeos que levaron todas as participantes, Luz Añom, unha das delegadas que representará áMarcha de Galiza, no VI Encontro Internacional que se celebrará em Perú, dirixiu unhas palabras a todas as persoas que seguiron desde o peirao de Chapela a competición, indicando a necesidade de pasos e iniciativas como o representado pola Primeira bandeira feminina de traíñas, para conseguir que as rapazas e as mulleres deportistas non continuen a ser discriminadas nun ámbito social que continua a estar claramente masculinizado. As xovens remeiras do clube Perillo, recibéron de mans de Mariluz Maset da Coordenadora de Vigo, unha impresionante bandeira bordada co símbolo da Marcha Mundial. Ainda que todas estaban cansas dos 3000 metros remados na competición, a alegría e o simbolismo do momento uniu a todas as remeiras dos clubes nun abrazo que mostrou toda a força da reivindicación. Comentaban alguns dos clubes que a segunda bandeira poderia ser o ano que ven en Ferrol... a Marcha dirá. [Fotografias] [+ info] | |||
|
