24 de Maio, Dia Internacional das Mulleres Antimilitaristas
AS MULLERES DECIMOS NON ÁS GUERRAS
Desde o pasado 8 de marzo, mulleres de EEUU pertencentes á organización
Codepink, e mulleres de Iraque, lanzaron un chamado internacional para unir-se
contra a guerra. A Marcha Mundial das Mulleres apoia esta iniciativa e subliña
a urxéncia destas accións dado que no planeta non só non
desaparecen os modelos militares na resolución dos conflictos, senon que
soan novos tambores de guerra tal e como se está a desenvolver a crise
de Irán. A seguir reproducimos o texto íntegro difundido
pola organización CODEPINK: O
chamado das mulleres pola paz: Unha demanda urxente
Nós, as mulleres de Estados Unidos, Iraque e as mulleres de todo o
mundo, dicimos BASTA á guerra sen sentido en Iraque, e aos ataques crueis
contra outros pobos no mundo. Enterramos demasiados dos nosos seres queridos.
Vimos demasiadas vidas mutiladas polas feridas físicas e psicolóxicas.
Miramos con horror como os nosos recursos preciosos son utilizados para a guerra
mentres que as necesidades básicas das nosas famílias, como a comida,
o aloxamento, a educación, e o acceso ao coidado médico, non están
disponibeis para elas. Non temos máis paciéncia para vivir
con medo constante fronte á ameaza da violéncia, e ver o crecente
cancro do ódio e a intoleráncia que están aumentando e infiltrando
as nosas casas e comunidades. Este non é o mundo que queremos
nin para nós nin para as nosas fillas e fillos. Co lume no estómago
e o amor no corazón, nós, as mulleres, estámonos erguendo
sen fronteiras para unirnos e demandar un fin ao derramamento de sangue e á
destrucción. Vimos como a ocupación estranxeira de Iraque
orixinou un movimento armado en contra dela, perpetuando un ciclo de violéncia
sen fin. Estamos convencidas de que este é o mellor momento para facer
a transición dun modelo militar a un modelo de resolución pacífico
do conflito, que inclúa os factores seguintes: A retirada
de todas as tropas e combatentes estranxeiros de Iraque; Negociacións
para a reincorporación d@s iraquíes desprazad@s en todos os aspectos
da sociedade de Iraque; A plena representación
das mulleres no proceso de paz e un compromiso coa igualdade completa da muller
en Iraque logo da guerra; Un compromiso para descartar
a construción de calquer base militar estranxeira en Iraque; O
control do petróleo e de todos os demais recursos por mans iraquíes;
A anulación das leis de privatización e de desregulación,
impostas baixo a ocupación, permitindo @s iraquíes orientar a traxectoria
económica da posguerra; Un esforzo masivo de reconstrución
que priorice aos contratistas iraquíes, con financiamiento dos países
responsables da invasión e a ocupación de Iraque. Considerar
a creación dunha forza internacional provisional de paz, que sexa verdaderamente
multilateral e que non estea integrada por ningún dos países que
participaron na ocupación. Para avanzar neste proceso de
paz, estamos creando un movemento masivo de mulleres, que abarca múltiples
xeracións, razas, etnias, relixións, fronteiras e tendencias políticas.
Xuntas, imos presionar aos nosos gobernos, as Nacións Unidas, a Liga
Árabe, os Premios Nóbel da Paz, os líderes relixiosos e outr@s
na comunidade internacional, para que interveñan para axudar a negociar
unha solución política. E nesta época de fundamentalismos
divisionistas, chamamos a@s líderes do mundo para unirse connosco para
que avancen os valores fundamentais do amor á familia humana e á
protección ao noso planeta precioso. Galiza 24 de Maio de 2006
WOMEN SAY NO TO WAR! LES FEMMES DISENT NOM A LA GUERRE! LAS MUJERES
DICEN NO A LA GUERRA! AS MULLERES DIN NON Á GUERRA! CODEPINK
www.womensaynotowar.org
MARCHA MUNDIAL DAS MULHERES www.feminismo.info CONVOCATORIAS
NO DÍA INTERNACIONAL DAS MULLERES ANTIMILITARISTAS 24
de maio 2006 Vigo:
Distribución do comunicado da organización CODEPINK "As mulleres
dizemos nonàs guerras", acto na Casa das Mulleres de Vigo ás 20:15hs
Corunha: Rolda
de prensa e distribución do comunicado de CODEPINK. Ferrol:
elaboración dunha alfombra floral no Canton desde as 17hs até as 20:30,
distribución do comunicado de CODEPINK Compostela:
Construcción dun muro de expressión e tendal antimilitarista ás
20:30hs na Praça do Toural. Distribución do comunicado de CODEPINK
Pontevedra: colocación
dunha faixa na Praza do 8 de Marzo. O día 25 concentración na mesma
praza ás 20:30hs e distribución do comunicado de CODEPINK.
[+ info] |