1ª
Que os governos que invocan os dereitos humanos, condenen todo poder político,
relixioso, económico ou cultural que exerza un control sobre a vida das
mulleres e das nenas e que denunciem os rexímenes que non respeiten os
seus dereitos fundamentais.
2ªQue
os estados recoñezan nas súas leis e accións que todas as
formas de violéncia cara ás mulleres constitúen unha violación
dos dereitos humanos fundamentais e que non poden xustificarse por nengún
costume, relixión, prática cultural ou poder político.
3ª
Que os estados implementen programas de acción e proxectos eficaces con
recursos financeiros e medidas axeitadas para acabar coa violéncia contra
as mulleres.
4ª
- Que a ONU faga
verdadeiras presións para que todos os estados ratifiquen sen reservas
e apliquen os convénios e pactos relativos aos dereitos das mulleres e
das crianzas.
- Que
os estados harmonizen as súas leis nacionais con:
·A Declaración
Universal dos Dereitos Humanos.
·A Declaración sobre Eliminación
da Violéncia contra as Mulleres.
·A Declaración do Cairo
e de Viena.
·A Declaración e a Plataforma de Beijing.
5ª
Que se adopten sen demora os protocolos e os mecanismos de implementación
do Convénio Internacional de todas as Formas de Discriminación cara
ás Mulleres e do Convénio sobre os Dereitos das Crianzas.
6ª
Que o Convénio de 1949 para a represión e a abolición
da trata de seres humanos e da explotación da prostitución do próximo,
inclúa un mecanismo de aplicación que teña en conta os documentos
recentes, como as dúas resolucións da Asemblea Xeral da ONU (1996),
respeito ao tráfico de mulleres e de nenas, e á violéncia
contra das mulleres imigrantes.
7ª
Que se levanten os embargos e bloqueos decretados polas grandes poténcias
en moitos países e que afectan fundamentalmente ás mulleres e ás
crianzas.
8ª
Que os estados recoñezan a xurisdición da Corte Penal Internacional
e subscriban as disposicións en virtude das que as violacións e
as agresións sexuais constitúen especialmente crimes de guerra e
crimes contra a humanidade.
9ª
Que todos os estados implementen políticas de desarmamento, tanto os que
teñen armas clásicas como os que posúen armas nucleares e
biolóxicas. Que todos os estados ratifiquen o convénio sobre as
minas contra persoas.
10ª
Que se adopte, o mais axiña posíbel, a posibilidade de dereito de
asilo para as mulleres vítimas de discriminación, de persecucións
sexistas ou de violéncia de xénero.
11ª
Que a ONU e os estados da comunidade internacional recoñezan formalmente,
no nome da igualdade de todas as persoas, que a orientación sexual non
debe privar a ninguén do pleno exercício de todos os seus dereitos.
12ª
Que se adopte, sen demoras, a posibilidade do dereito de asilo para as persoas
vítimas de discriminación por razons da súa orientación
sexual.
13ª
Implantación en todos os estados dunha lei de bases e de estratéxias
de cara á eliminación da pobreza.
14ª
Aplicación urxente de medidas como o imposto Tobim (gravar cunha taxa
de entre o 0'1% ao 0'5% cada transacción especulativa). Investimento
do 0'7% do Produto Nacional Bruto dos países ricos en axuda aos países
en vías de desenvolvimento. Financiamento adecuado e democratización
dos programas da ONU imprescindíbeis para a defensa dos dereitos fundamentais
das mulleres e crianzas como UNIFEM (programa para as mulleres), PNUD (
programa para o desenvolvimento) e UNICEF ( programa para a infáncia).
Finalización imediata dos programas de axuste estrutural e o fin das compresións
e recortes dos orzamentos sociais e dos servicios públicos.
15ª
Anulación da dévida de todos os países do Terceiro Mundo,
tendo en conta princípios de responsabilidade, transparéncia da
información e imputabilidade.
16ª
Aplicación da fórmula 20/20 entre os países doadores e os
países receptores da axuda internacional ( que o 20% da axuda recibida
e o 20% dos gastos do estado que recibe a axuda, se destinen a garantir o aceso
universal aos servicios sociais de base).
17ª
Unha organización política mundial, non monolítica, dotada
de autoridade sobre a economía, cunha representatividade equitativa e democrática
entre todos os países da Terra ( para garantir a paridade entre países
pobres e ricos) e con representatividade paritária entre homes e mulleres.