Os agresores non son loucos ou enfermos, son homes que non soportan que a “súa prezada posesión” teña vida propia, que cuestione o seus desexos, que se rebele, que non lles renda adoración e “respecto”.

Fixéronnos desiguais, asignáronnos distintos papeis; e cambiar as reglas de xogo non é fácil.
Necesitamos a axuda de tod@s @s compoñentes da equipa, de toda a sociedade.

Para conseguir a erradicación da violencia de xénero non chega con ilegalizala e castigar aos agresores. Énecesario deslexitimar a violencia e o machismo. É necesario transformar as normas e institucións sociais e culturais que a fan posíbel. É imprescindíbel a colaboración das institucións e da sociedade, na vida pública e na vida privada.

É necesario que o goberno do estado dispoña dunha vez do orzamento necesario para desenvolver a lei integral contra a violencia de xénero: reforzando a seguridade das mulleres ameazadas e agredidas, fortalecendo unha verdadeira rede pública de atención ás víctimas, realizando unha verdadeira renovación do aparello xudicial, criando o observatorio da violencia de xénero, investindo na sensibilización social e na formación do funcionariado (policial, xudicial, sanitario, educativo...)...

É necesario que o goberno galego elabore unha lei integral contra a violencia de xénero tendo en conta as competencias das institucións autonómicas: sanidade- educación- benestar social- etc., para modificar as estructuras e leis que perpetúan ou resultan insuficientes para combater a violencia de xénero. é necesario elaborar ese marco integral dotado de financiamento especifico e recursos suficientes para favorecer que as mulleres teñan os medios necesarios para realizar a súa vida con independencia e autonomía e posibilitar da forma máis rápida posíbel a superación da espiral de violencia.

Por último é imprescindíbel a implicación social para rematar coa desigualdade e o machismo, piares sobre os que se asenta a violencia e que impiden un verdadeiro desenvolvemento individual e social.

A LEI QUE NON QUEDE NO PAPEL!


Mobilizacións 25-N na Galiza:

VIGO:
CONCENTRACIÓN ÁS 8 DA TARDE NA RUA DO PRINCIPE DIANTE DO MARCO

PONTEVEDRA:
CONCENTRACIÓN ÁS 8 NA PRAZA 8 DE MARZO

TRASANCOS-FERROL:
CONCENTRACIÓN ÁS 8 NA PRAZA DE GALIZA DE NARÓN

COMPOSTELA:
CONCENTRACIÓN ÁS 8 NA PRAZA DO TOURAL

COSTA DA MORTE:
CONCENTRACIÓN ÁS 8 NA PRAZA 8 DE MARZO DE CEE

A CORUÑA:
CONCENTRACIÓN ÁS 8 NO OBELISCO

Coordenadora Nacional da Marcha Mundial das Mulleres na Galiza

Para contactar:
[+ Info]

Para mais informaçom da Marcha ir a: 17 Outubro na Galiza Relevo Mundial da Carta Mobilizaçom Europeia 2005 Texto da Carta Marcha na Galiza Agenda da Marcha Novas da Marcha Assim foi o relevo da Carta na Galiza Ligaçom Internacional relevo