AS MULHERES TEMOS DIREITO A DECIDIR SOBRE O NOSSO CORPO E AS NOSSAS VIDAS
SOLIDARIEDADE COAS MULHERES PORTUGUESAS
SÍ, NO REFERENDUM POLO DIREITO AO ABORTO EM PORTUGAL

O vindeiro mês de fevereiro Portugal somete-se a um referendo co fim de despenalizar o aborto. As redes feministas do país vizinho pidem-nos colaboraçom para facer mais resaltável este feito, vital no livre dispor das mulheres nos seus corpos.

Como medida de apoio desde a Marcha Mundial das Mulheres na Galiza decidimos

CONVOCAR UMHA CONCENTRAÇOM
DIANTE DO CONSULADO PORTUGUÊS DE VIGO,
(rua Marqués de Valladares, 23)
A QUINTA-FEIRA, 1 DE FEVEREIRO, ÁS 8 DA TARDE

Animamos-vos a participar desta iniciativa assim como a reenviar este correio aos vossos contactos.
Um saúdo Feminista desde a Marcha Mundial das Mulheres na Galiza

SOLIDARIEDADE COAS MULHERES PORTUGUESAS
11 DE FEVEREIRO, REFERENDUM POLO ABORTO EM PORTUGAL

O 18 de Janeiro cumprem-se 5 anos da leitura da sentença de Maia pola que se condenava a 17 mulheres por delito de aborto em Portugal. A este julgamento somam-se os de Aveiro, Lisboa, Setúbal e umha apretadissima vitória do NOM no referendum polo aborto realizado em 1998, no que a abstençom subiu até quase o 70%.

Na Marcha Mundial das Mulheres na Galiza consideramos o aborto como um direito fundamental das mulheres que permite a soberania sobre o próprio corpo, garantindo a escolha dumha maternidade desejada e responsável.

Som 6 ainda os países europeios que negam este direito: Chipre, Irlanda, Polónia, Malta, Portugal e o principado de Andorra. Nom se pode negar a influência da hierarquia católica quando estes estados legislam contra os direitos das mulheres.

O referendum português do próximo dia 11 de Fevereiro converte-se pois num referente para todas as mulheres da Europa que podem ver como se avança ou se retrocede nos seus direitos numha comunidade geográfica,cultural e económica que di defender a igualdade e os direitos das mulheres.

Mostramos a nossa solidariedade com todas as organizaçons portuguesas que fam apoio ao SIM neste referendum, e com toda a cidadania portuguesa que trabalha por umha sociedade onde os valores da Igualdade, a Justiça, a Liberdade, a Solidariedade e a Paz, inspirem a construçom da sociedade portuguesa, europeia e mundial.

CONCENTRAÇOM
DIANTE DO CONSULADO PORTUGUÊS DE VIGO,
(rua Marqués de Valladares, 23)
QUINTA-FEIRA, 1 DE FEVEREIRO, ÀS 8 DA TARDE

Coordenadora Nacional da Marcha Mundial das Mulheres na Galiza

[+ info]