|
1ª BANDEIRA
FEMININA DE TRAINHAS [Pequena crónica e album fotográfico] Forom nove os clubes que se disputárom a 1ª BANDEIRA FEMININA DE TRAINHAS, MARCHA MUNDIAL DAS MULHERES. Esta alta participaçom demostra o interesse destas jovens remeiras por conseguir o reconhecimento e respeito que se merecem dentro deste deporte que as discrimina. Desde o Clube de Remo Chapela de Redondela, a Coordenadora Galega da Marcha Mundial das Mulheres recebiu um chamado urgente, pois mais umha vez,o campionato de trainhas, nom contava com categoria feminina. Esta categoria nom está reconhecida oficialmente e os juiçes negam-se a arbitrar umha competiçom que nom tem "bandeira", como assim se chama o trofeu neste desporto. A Marcha Mundial das Mulheres conseguiu o apoio do Serviço Galego de Ingualdade e da Concelhalia da Mulher de Redondela e convertida em patrocinadora, organizou toda umha festa reivindicativa. A classificaçom por clubes foi a seguinte: 1ª Perillo 2ª Chapela 3ª Bueu 4ª Mecos 5ª Vila de Cangas 6ª Cabana 7ª Amegrobe 8ª Vila Xoan 9ª Coruxo Antes da entrega dos trofeos que levarom todas as participantes, Luz Anhom, umha das delegadas que representará à Marcha de Galiza, no VI Encontro Internacional que se celebrará em Perú, dirigiu umhas palavras a todas as pessoas que seguirom desde o peirao de Chapela a competiçom, indicando a necessidade de passos e iniciativas como o representado pola Primeira bandeira feminina de traínhas, para conseguir que as rapazas e as mulheres deportistas nom continuem a ser discriminadas num ámbito social que continua a estar claramente masculinizado. As jovens remeiras do clube Perillo, recibérom de mans de Mariluz Maset da Coordenadora de Vigo, umha impresionante bandeira bordada co símbolo da Marcha Mundial. Ainda que todas estavam cansas dos 3000 metros remados na competiçom, a alegría e o simbolismo do momento uniu a todas as remeiras dos clubes num abrazo que mostrou toda a força da reivindicaçom. Comentavam alguns dos clubes que a segunda bandeira poderia ser o ano que vem em Ferrol... a Marcha dirá. [Fotografias] [+ info] | |||
|
