24 de Maio, Dia Internacional das Mulheres Antimilitaristas

AS MULHERES DICIMOS NOM ÀS GUERRAS

Desde o passado 8 de Março, mulheres dos EEUU pertencentes à organizaçom Codepink, e mulheres do Iraque, lançárom um chamamento internacional a unir-se contra a guerra. A Marcha Mundial das Mulheres apoia esta iniciativa e sublinha a urgência destas acçons porque no planeta nom só nom desaparecem os modelos militares na resoluçom dos conflictos, más também soam novos tambores de guerra tal e como se está a desenvolver a crise de Irám.

A seguir reproducimos no íntegro o comunicado difundido pola organizaçom CODEPINK:

O chamamento das mulheres pola paz:

Umha demanda urgente

Nós, as mulheres dos Estados Unidos, do Iraque e as mulheres de todo o mundo, dizemos BASTA à guerra sem sentido no Iraque, e aos ataques crueis contra outros povos no mundo. Soterramos demasiados dos nossos seres queridos. Vimos demasiadas vidas mutiladas polas feridas físicas e psicológicas. Olhamos com horror como os nossos recursos preciosos som utilizados para a guerra mentres que as necessidades básicas das nossas famílias, como a comida, o aloxamento, a educaçom, e o acceso ao cuidado médico, nom estám disponíveis para elas.

Nom temos mais paciência para viver com medo constante fronte à ameaza da violência, e ver o crescente cancro do ódio e a intoleráncia que estám a incrementar e infiltrando as nossas casas e comunidades.

Este nom é o mundo que queremos nem para nós nem para as nossas filhas e filhos. Co lume no estómago e o amor no coraçom, nós, as mulheres, estamo-nos a erguer sem fronteiras para nos unir e demandar um fin ao derrame de sangue e à destrucçom.

Vimos como a ocupaçom estrangeira de Iraque orixinou um movimento armado em contra dela, perpetuando um ciclo de violência sem fim. Estamos convencidas de que este é o melhor momento para fazer a transiçom dum modelo militar a um modelo de resoluçom pacífica do conflito, que inclúa os factores seguintes: