Marcha mundial das mulheres - Boletins Informativos

Mobilizaçom Mundial do 20 de Março contra a Guerra
A Marcha Mundial das Mulheres na Galiza apoia as mobilizaçons que vam ter lugar no nosso país.

A marcha Mundial das Mulleres diante dos tráxicos acontecimentos do 11 de marzo en Madrid.
Vigo, 12 de marzo de 2004

Actos que tivérom lugar o 8 de Março na Galiza
. Fotografias e Vídeo dos Actos do 8 de Março, em Ferrol, baixo o lema: Diferentes sim, desiguais, nom. Marcha com nós !!, publicadas em Galiza.Indymedia.org.
[VER FOTOGRAFIAS]
[VER VIDEO]
. Comunicados lidos nos actos de Ferrol.
[VER COMUNICADOS]

Mobilizaçom Mundial 20 de Março contra a Guerra

*POLO FIM DA OCUPAÇOM DE IRAQ!
*REGRESO DAS TROPAS AGORA JÁ!
*DINHEIRO para TRABALHO, EDUCAÇOM, SAÚDE e VIVENDA - NOM Á GUERRA!

O Comitê Internacional da Marcha Mundial das Mulheres tomou parte nas diversas atividades do Fórum Social Mundial e apoiou o Apelo da Assembleia dos Movimentos Sociais, com o qual se convoca a toda a populaçom mundial, neste 20 de março, a um dia de resistência global contra a guerra.

Trata-se de animar à cidadania mundial a mobilizar-se numa jornada internacional de protesto contra a guerra e a ocupaçom de Iraque, imposta polos governos dos EE.UU., Gram-Bretanha, Espanha e seus aliados, que nom fixo mais que aumentar o clima de violência, terror e perdida de direitos e liberdades que se vive no planeta. Esta mobilizaçom mundial tem como objectivo demandar a retirada imediata das tropas de ocupaçom de Iraque e apoiar ao povo iraquiano em seu direito à livre autodeterminaçom e soberania, bem como ao direito a que se
reparem os danos ocasionados polo embargo e a guerra.

Mobilicemo-nos o 20 de março portanto, e que se escuite a voz das mulheres e, sobretudo, expressemos nossa oposiçom nom só à ocupaçom militar de Iraque senom também à militarizaçom de nosso mundo, em particular nos 80 países que ainda estám em guerra e dos quais nom se fala.

A Marcha Mundial das Mulheres na Galiza apoia as mobilizaçons que vam ter lugar no nosso país:

FERROL:
Às 19:00 hs, saída do Cantom. Convoca "Coordenadora Galega pola Paz"

VIGO:
. Às 19:00 hs, saída no Cruzamento da Gran Via com Urzaiz. Convoca " Coordenadora Galega pola Paz".
. Às 19:30 hs, saída desde a praça "Fernando o Católico". Convoca "Espazo aberto antimilitar"e "Plataforma anti-imperialista"

COMPOSTELA:
. Às 19 hs na Praça do Toral. Convoca "Coordinadora Galega pola paz"
. Às 20 hs na Praça do Toral. Convoca "Bases Democraticas Galegas"

LUGO:
Às 19 hs, na Praça Maior. Convoca "Coordenadora Galega pola Paz"

PONTEVEDRA:
Às 20:30 hs, na Praça da Ferraria. Convoca "Plataforma contra a Guerra"

A CORUNHA:
Às 19:00 hs, na Praça do Obelisco. Convoca "Asemblea de Resistencia e Solidariedade Global"

ÍNDICE

A MARCHA MUNDIAL DAS MULLERES DIANTE DOS TRÁXICOS ACONTECIMENTOS DO 11 DE MARZO EN MADRID.

A Coordenadora Galega da Marcha Mundial das Mulleres quere solidarizarse con todas as vítimas dos atentados acontecidos en Madrid no día de onte, asi como coas súas familias e persoas achegadas. A Marcha Mundial das Mulleres, plataforma que acolle a mulleres de todo o planeta e da que forman parte na Galiza máis de 40 organizacións, aposta sempre pola defensa da vida e pola solución pacífica dos conflitos. Cremos que absolutamente nada pode xustificar a masacre levada a cabo en Madrid o 11 de marzo.

Asimesmo queremos anunciar a suspensión de concertos e actividades que estaban programados este fin de semana en diferentes localidades dentro da iniciativa Mulleres en marcha. Reiteramos a nosa solidariedade coas persoas afectadas e compartimos a súa dor pola perda de tantas vidas.

VIGO, 12 DE MARZO DE 2004

ÍNDICE

Comunicado contra a pobreza

8 de Marzo do 2004
Marcha Mundial de Mulleres
Ferrol

AS DIFERENCIAS ENRIQUECEN
AS DESIGUALDADES EMPOBRECEN

Na actualidade 1500 millóns de persoas no mundo son pobres, destas 7 de cada 10 son mulleres.
Estos datos non son producto da casualidade. Son consecuencia dun sistema económico: o capitalismo neoliberal, e dun sistema de subordinación das mulleres: o patriarcado.

Os efectos negativos da mundialización da economía repercuten desproporcinalmente sobre a muller. A reducción dos gastos públicos e por tanto dos programas sociais obriga as mulleres a incrementar ou seguir realizando gratuítamente o traballo doméstico, o coidado das persoas dependentes, a reproducción, etc., o cal equivale ó 40% do Producto Interior Bruto dos países industrializados, traballo non pagado que aforra o sistema neoliberal.

A pobreza acentúa a desigualdade de xénero pola que fronte as adversidades, as mulleres somos maís vulnerables.
A desigualdade de oportunidades no acceso ao empleo, ao credito, ao capital. Os baixos niveles de educación, e un menor acceso os servicios de saúde, incluíndo a atención durante o embarazo e coidado dos nenos, así como, a prevención da SIDA, son algúns dos feitos que condenan as mulleres as situacións de pobreza, marxinación e exclusión social.

As mulleres realizamos o 67% das horas traballadas no mundo, mentras gañamos só o 10% dos ingresos xerados. Poseímos o 1% das propiedades a nivel mundial e o noso salario é ¾ do masculino.

Na galiza 600.000 persoas viven nos niveis definidos como pobreza: neste grupo integranse moitas mulleres con cargas familiares, mayores, emigrantes retornadas….O 80% das persoas que cobran a RISGA (40.000 ptas/mes) son mulleres.

As consecuencias da feminizacción da pobreza condean a milleiros de mulleres e nenas a ser obxeto da venta e trata de brancas( máis de 200 mulleres foron víctimas nos ultimos anos das redes de traficantes na fronteira entre Galiza e Portugal ), a participación en conflictos armados, prostitución, pornografía e tráfico de estupefacientes, entre outros horrores.

Neste 8 de Marzo marchamos para loitar ,unha vez máis, contra o patriarcado e o capitalismo salvaxe . Contra os organismos internacionais como o Banco Mundial, o Fondo Monetario Internacional, o Grupo dos 8…que controlando a moeda, o comercio e o crédito, práctican o terrorismo contra os países pobres e contra as pobres de todos os países do mundo.
A resignación diante desta situación sería un suicidio.

Comunicado contra a violência

8 de Marzo de 2004
Marcha Mundial de Mulleres
Ferrol

COMBATE A VIOLENCIA. COMBATENDO A DESIGUALDADE

As feministas da Marcha Mundial de Mulleres non podemos deixar de falar neste 8 de Marzo da violencia de xénero.

A violencia contra a muller está definida como todo acto violento que teña como resultado calquer tipo de dano físico, sexual ou psicolóxico para as mulleres, e que se exerce contra nos polo feito de pertencer ao sexo feminino.

A viloencia de xénero aliméntase de pautas económicas, sociais, relixiosas, culturais..., que perpetúan a condición de inferioridade que se nos asigna as mulleres en todos os ámbitos( familia, traballo, política,...). Baséase na desigualdade no reparto do poder con respecto aos homes. Son signos dela as desigualdades salariais, as desigualdades laborais, na sociedade, na política, nas relacións persoais, no reparto do tempo...

Todos os días a prensa publica feitos nos que as mulleres somos agredidas de diversas maneiras. Máis de 200 mulleres foron asasinadas dende o ano 2000 na totalidade do Estado Español, 8 no que vai de ano. Somos víctimas de violacións, agresións sexuais, abusos a menores, redes de prostitución e tráfico de brancas; sen olvidar, as agresións vividas no silencio.

Pero a violencia contra a muller se expresa de distintas formas, algunhas que van máis alá das agresións físicas. As declaracións do presidente da Xunta no caso de Toques, os postulados da Conferencia Episcopal, as políticas económicas e sociais do Partido Popular que condenan a millares de mulleres á pobreza e a exclusión social, unha lei de estranxería que vulnera os dereitos fundamentais de mulleres e nenas....son só algúns dos exemplos do terrrorismo patrircal exercido dende os poderes públicos que non fan máis que acrescentar a desigualdade da que somos víctimas as mulleres non só na Galiza, senon en todo o mundo.

As feministas que marchamos unidas nesta data seguimos reivindicando unha Lei Integral contra a Violencia de Xénero e denunciamos a falta de recursos e de medios económicos destinados para eles, e a ineficacia das medidas de protección postas en marcha polo PP, xa que non son suficientes.

As mulleres queremos conseguir con a nosa loita un novo modelo de sociedade solidaria, democrática, pacífica, xusta e en igualdade.

Comunicado Nacional do 8 de março de 2004
[Ligar com o Boletim nº 7]

ÍNDICE

[Índice dos Boletíns Informativos Galegos]
[Ìndice Boletins de Ligaçom Internacional]

MARCHA MUNDIAL DAS MULHERES NA GALIZA

MARCHA MUNDIAL INTERNACIONAL