|
8 de Março,
Dia Internacional das Mulheres
FEMINISMO, SEMPRE IMPRESCINDÍVEL O feminismo é um movimento multo variado e plural que tem como objectivo a defensa dos direitos das mulheres e a transformaçom da sociedade patriarcal numha sociedade em igualdade. Quando escuitamos falar da ablaçom do clitóride, das lapidacons por adultério, da obriga a cobrir-se com a burka, de condear a morte por homosexualidade, sentimos com claridade que o patriarcado está muito presente e fortalecido nesses pontos do planeta, mas pode parecer-nos que é umha realidade alleia a nós. Nos chamados países occidentais está estendida a crenca de que as mulheres nom precissamos do feminismo porque as sufragistas reivindicárom e conquistárom o acesso á esfera pública: o sufrágio, o traballo asalariado non proletarizado, a educaçom superior... Mais tarde um renovado movimento feminista conseguiu questionar algumhas das normas e relaçons sociais do patriarcado, tornando controvertidos aspectos do mesmo que antes eram aceites como normativos, e conquistando direitos fundamentais como o divórcio, o aborto, a pessoalidadejurídica, etc. Agora, com a pressom e a sensibilizaçom social, obtemos quotas de representaçom, leis contra a violéncia de género, leis de igualdade, etc..., mas seguimos observando as enormes dificuldades que comporta o nosso acesso igualitário ao ámbito público, onde máis que um teito de vidro damos cum auténtico muro de formigom. Frente a todo isto, as feministas continuamos, como há dous séculos, a estudar a nossa realidade, analisando-a, organizando-nos, participando desde outras organizaçons sociais, desde os partidos políticos, as instituiçons, o mundo da cultura, porque o patriarcado continua presente na nossa sociedade. Está no número de mulheres assassinadas e agredidas; nos salários mais baixos e nas condiçons de emprego mais precárias; nas dificuldades para ocupar postos de direcçom em todos os ámbitos; no número de mulheres obrigadas a prostituir-se polas redes de traficantes; na crescente feminizaçom da pobreza; nas responsabilidades familiares nom compartilhadas; nas dificuldades para abortar, para formar-se afectiva e sexualmente; na insatisfaçom com a image corporal que deriva em importantes problemas de bulimia, anorexia ou operacons cirúrgicas; na baixa autoestima; no auge dos integrismos religiosos e na aceitacom das religions que nos castram e alentam a nossa dominaçom na exaltaiçom de valores como a virginidade e o modelo familiar único... O FEMINISMO CONTINUA A SER UMHA FERRAMENTA IMPRESCINDÍVEL para seguir subvertindo os códigos culturais dominantes, para dar resposta á reacçom machista fronte ao avance das mulheres em todos os ámbitos sociais, umha ferramenta que desmonte para sempre a sociedade patriarcal, para construir dia a dia umha sociedade inspirada nos valores da justiça, a paz, a solidariedade, a liberdade e a igualdade. Coordenadora Nacional
da Marcha Mundial das Mulheres na Galiza
|
