24 de Maio Día das Mulleres Antimilitaristas
Marcha Mundial das Mulleres na Comarca da Coruña , 20.05.2005
O 24 de maio a Macha Mundial das
Mulleres na Comarca da Coruña celebra o Día das
Mulleres Antimilitaristas
Concentración no Obelisto
o martes 24 de maio ás 20.00h.
Non ao desfile militar
En 1981, os debates entre mulleres europeas activistas pola paz,
puxeron en marcha un Plano para facer un Día de Mulleres
pola Paz e o Desarme.Desde a Marcha Mundial das Mulleres (MMM),
queremos reivindicar unha vez máis unha reforma das relacións
internacionais que permita a resolución dos conflictos
sen o uso da violencia. Pedimos unha nova reformulación
da ONU para que se converta de verdade nun ponto de encontro de
todos os pobos do mundo para o dialogo e a colaboración.
Reivindicamos políticas de desarme porque somos conscientes
que todo o investimento na industria armamentística, o
mantemento dos exércitos e todas as accións bélicas
que se desenvolven no planeta, son recursos que se rouban á
loita contra a pobreza e non fan máis que aumentar as situación
de violencia contra as mulleres en todo o mundo.
Segundo Amnistía Internacional, o número de mulleres
víctimas dos conflictos armados pasou do 5% durante a I
Guerra Mundial, para ser o 50% durante a II Guerra Mundial e case
o 80%, durante os anos 90.
Na Carta Mundial das Mulleres para a Humanidade, aprobada o 10
de decembro de 2004, no transcurso do V Encontro Internacional
da MMM celebrado en Kigali-Ruanda, a delegación galega,
en nome de todas as feministas da Galiza, comprometímosnos,
entre outros obxectivos, a facer un chamamento para, desde a Galiza,
transformar o mundo e modificar radicalmente as relacións
internacionais existentes e convertelas en relacións baseadas
na igualdade, na paz, na liberdade, na solidariedade e na xustiza.
Por todo isto non podemos máis que opornos ao Desfile Militar
que está previsto para o próximo domingo 29 de maio
na Coruña. Desde a MMM somos totalmente contrarias as exaltacións
militaristas de guerra e destrucción e consideramos un
insulto a todas as víctimas das guerras as exaltacións
armamentísticas deste tipo.
|
ENVIA
UMHA MENSAGEM CURTA NESTE FORMULÁRIO
|
Para mais informaçom, fazer propostas e participar podes-te
ponher em contacto em: [ +
INFO]
Edita:
Coordenadora
Nacional da Marcha Mundial das Mulleres na Galiza
|
